Ant Eaters: పొడవాటి నాలుకలతో చీమలను తింటూ జీవించే జీవుల గురించి మీకు తెలుసా?
చీమల పాలిట అవి యమదూతలు. చీమల పుట్ట కనిపించింది అంటే చాలు ఆ జీవులకు చికెన్ బిర్యానీ దొరికినట్టే. నిజానికి ఈ జీవుల ప్రధాన ఆహరం కూడా చీమలే. అందుకే వీటిని యాంట్ ఈటర్స్ అంటారు.
చీమల పాలిట అవి యమదూతలు. చీమల పుట్ట కనిపించింది అంటే చాలు ఆ జీవులకు చికెన్ బిర్యానీ దొరికినట్టే. నిజానికి ఈ జీవుల ప్రధాన ఆహరం కూడా చీమలే. అందుకే వీటిని యాంట్ ఈటర్స్ అంటారు. వీటికి దంతాలు ఉండవు. వీటి నాలుక దాదాపు రెండు అడుగుల పొడవుగా జిగటగా ఉంటుంది. దీనివాలనే చీమల్ని సులభంగా పట్టేసి తినేస్తాయి.
చీమల బొరియలను నాశనం చేయకుండా వాటి పైభాగంలో ఉన్న రంధ్రాల ద్వారా నాలుకను అతికించి చీమ,ఇతర కీటకాలను పట్టుకుంటాయి. ఇవి ఎరను పట్టుకోవడానికి బొరియలను నాశనంచేయవు. చీమలు కుట్టకుండా ఉండేందుకు ఈ జీవులు నిమిషానికి 150 సార్లు నాలుకను తిప్పుతాయి. నాలుకపై జిగురు ఉండటం వల్ల ఈలోపు చాలా చీమలు నాలుకకు అంటుకుంటాయి.
ఈ యాంట్ ఈటర్స్ శరీరంలో జీర్ణ ప్రక్రియలో కూడా ప్రత్యేకత కలిగి ఉంటాయి. వీటి కడుపులో, హైడ్రోక్లోరిక్ ఆమ్లానికి బదులుగా ఫార్మిక్ ఆమ్లం ఉత్పత్తి అవుతుంది.ఇతర జీవులలో హైడ్రోక్లోరిక్ ఆమ్లం ఉత్పత్తి అవుతుంది. ఈ లక్షణం కారణంగా వారు తినే చీమలను త్వరగా జీర్ణం చేస్తుంది. ఇవి రోజుకు దాదాపు 30,000 చీమలను తింటాయి.
ఈ యాంట్ ఈటర్స్ కి కంటి చూపు తక్కువగా ఉంటుంది. కానీ మంచి వాసన గ్రహించే శక్తి ఉంటుంది. వీటికి మనుషుల వాసన గ్రహించే శక్తి కంటే దాదాపు 40 రెట్లు ఎక్కువ శక్తి ఉంటుంది. ఈ చల్లని-రక్తంతో ఉండే జంతువులు రోజుకు దాదాపు 15 గంటలు నిద్రపోతాయి.
వీటి గర్భధారణ కాలం 190 రోజులు. ఇవి ఒకే ప్రసవంలో బిడ్డకు జన్మనిస్తాయి. శిశువు యాంట్ ఈటర్స్ తమ తల్లితో సుమారు రెండు సంవత్సరాలు లేదా తదుపరి గర్భం వరకు నివసిస్తాయి. తల్లి యాంట్ ఈటర్స్ తమ పిల్లలను ఒక సంవత్సరం వరకు తమ వీపుపై మోస్తాయి. ఇవి దాదాపు 15 నుండి 25 సంవత్సరాల వరకు జీవిస్తాయి.