బెజవాడ దివ్య తేజస్విని ఎపిసోడ్లో సంచలన ట్విస్ట్, వాళ్ళిద్దరికీ పెళ్లి !
బెజవాడ దివ్య తేజస్విని ఎపిసోడ్లో అనూహ్య ట్విస్ట్ చోటుచేసుకుంది. మృతురాలు దివ్యకు, హంతకుడు నాగేంద్రబాబుకు అంతకు ముందే పెళ్లైనట్టు తెలుస్తోంది.
బెజవాడ దివ్య తేజస్విని ఎపిసోడ్లో అనూహ్య ట్విస్ట్ చోటుచేసుకుంది. మృతురాలు దివ్యకు, హంతకుడు నాగేంద్రబాబుకు అంతకు ముందే పెళ్లైనట్టు తెలుస్తోంది. ఈ విషయం మరెవరో చెప్పింది కాదు.. హాస్పిటల్లో చావు బతుకుల మధ్య పోరాడుతున్న నాగేంద్రబాబే స్వయంగా తన పెళ్లి గురించి అతని సోదరునితో చెప్పాడట. దివ్యకు, నాగేంద్రకు సీక్రెట్గా మ్యారేజ్ జరిగిపోయిందట. అదే విషయం మాట్లాడటానికి నిన్న రాత్రి దివ్య వాళ్ల ఇంటికి నాగేంద్రబాబు వెళ్లాడట. అక్కడ నాగేంద్రకు, దివ్య పేరెంట్స్కు గొడవ జరిగిందని అతని సోదరుని మాటల ద్వారా తెలుస్తోంది. దివ్య తల్లిదండ్రులు తమ పెళ్లికి ఒప్పుకోకపోవడంతో.. ఇక తాము కలిసుండలేమనే కోపంలో నాగేంద్రబాబు ఈ ఘాతుకానికి పాల్పడి ఉంటాడని అంటున్నారు. మరోవైపు.. వాళ్లిద్దరూ కలిసి ఉన్న ఫోటో సైతం బయటకు వచ్చింది. ఆ ఫోటోలో దివ్య మెడలో తాళిబొట్టు ఉన్నట్టు స్పష్టంగా కనిపిస్తోంది. వాళ్లిద్దరూ అంత సన్నిహితంగా ఉండి సెల్ఫీ దిగడం.. ఆమె మెడలో తాళి ఉండటం చూస్తుంటే.. వాళ్లిద్దరికీ పెళ్లి అయ్యిందనే అనుమానం బలపడుతుందని అంటున్నారు . దివ్య, నాగేంద్రబాబులు ఏడేళ్లుగా ప్రేమించుకుంటున్నారని అంటున్నారు. వారిది డీప్ లవ్ అని చెబుతున్నారు. కొంతకాలం క్రితం వారిద్దరూ సీక్రెట్గా మ్యారేజ్ చేసుకున్నారని తెలుస్తోంది. హత్యకు ముందురోజు రాత్రి నాగేంద్రబాబు దివ్య వాళ్లింటికి వెళ్లాడని.. ఆమె పేరెంట్స్తో గొడవ జరిగిందని సమాచారం.
దివ్య ఇంట్లో వాళ్లు ఒప్పుకోకపోవడంతో ఇక తాము కలిసుండలేమని నాగేంద్రబాబు భావించి ఉంటాడు. ఆ అసహనంతోనే దివ్యను చంపేసి.. తానూ ఆత్మహత్య యత్నం చేసుంటాడని అంటున్నారు నాగేంద్రబాబు కుటుంబ సభ్యులు . దివ్య బీటెక్ ఫైనల్ ఇయర్ స్టూడెంట్. నాగేంద్రబాబు పెయింటర్. దివ్య ఇంటి వెనకాలే నాగేంద్రబాబు ఇల్లు. కాలేజీ రోజుల నుంచే దివ్య తేజస్విని వెంట నాగేంద్రబాబు తిరిగేవాడని తెలుస్తోంది. కొంతకాలానికి ఇద్దరి మధ్యా మంచి స్నేహం ఏర్పడిందని, అది ప్రేమగా మారిందని చెబుతున్నారు.
Also Read :
దింపుడుకల్లం వద్ద పిలుపుకు స్పందన, ఆస్పత్రికి తీసుకెళ్తే..
ట్రాక్టర్ తిరగబడి కొడుకు మరణం, బాధ తట్టుకోలేక ఆగిన తల్లి గుండె