ముంబైలో ఆగని కరోనా విలయం.. ఒక్కరోజులో 218 కేసులు నమోదు

దేశ వాణిజ్య రాజధాని ముంబై నగరం కరోనా కోరల్లో చిక్కుకుని విలవిలలాడుతోంది. గత 24 గంటల్లో 218 కొత్త కరోనా కేసులు నమోదయ్యాయి. ఈ ఒక్క సిటీలోనే ఈ కేసుల సంఖ్య 993 కి చేరుకుంది. పది మంది రోగులు మరణించారు. ధారవి మురికివాడలో 11 మందికి ఈ వైరస్ సోకింది. వీరిలో ఇద్దరు ఇటీవల ఢిల్లీలో జరిగిన జమాత్ నిజాముద్దీన్ మత పర కార్యక్రమానికి హాజరై వఛ్చిన వారే. ఆశ్చర్యకరంగా ఈ మురికివాడలో కరోనాకు గురైనవారిలో ఓ డాక్టర్ భార్య ఉండడం గమనార్హం. ఈ స్లమ్ వద్ద గల పోలీసు స్టేషన్ సమీపంలో శానిటైషన్ టెంటును అధికారులు ఏర్పాటు చేశారు. ఆ దారిన గుండా వెళ్లే వారిపై డిస్ ఇన్ ఫిక్టెంట్ మందును స్ప్రే చల్లుతున్నట్టు స్థానికులు తెలిపారు. దేశంలో తాజాగా మహారాష్ట్రలో కరోనా కేసులు పెరుగుతుండడం తీవ్ర ఆందోళనకు గురి చేస్తోంది.