కేరళ…ఒకే కుటుంబంలో ఐదుగురికి కరోనా.. ఇండియాలో పెరుగుతున్న కేసులు

కేరళలో ఒకే కుటుంబంలోని ఐదుగురికి కరోనా పాజిటివ్ టెస్ట్ కేసులు బయటపడ్డాయి. దీంతో ఇండియాలో కరోనా కేసులు 39 కి పెరిగాయి. కరోనా వైరస్ వ్యాప్తి చెందిన ఇటలీకి ఈ ఫ్యామిలీ ఇటీవలే వెళ్లి వఛ్చినట్టు తెలిసింది. తిరువనంతపురం విమానాశ్రయంలో ఈ కుటుంబం తమ ట్రావెల్ హిస్టరీ గురించి తెలియజేయలేదని, వీరికి స్క్రీనింగ్ టెస్ట్ కూడా జరగలేదని రాష్ట్ర ఆరోగ్య శాఖ మంత్రి కె.కె.శైలజ తెలిపారు. ఆసుపత్రిలో చేరేందుకు కూడా వీరు నిరాకరించారని, అయితే వీరికి తాము నచ్ఛజెప్పామని అన్నారు. ఈ ఫ్యామిలీలో ఓ శిశువు లో కూడా కరోనా లక్షణాలు బయటపడ్డాయట. ఈ కుటుంబ సభ్యులు తమ బంధువులను కలుసుకున్నట్టు తెలిసింది. ఆ బంధువుల్లో కోవిడ్-19 సింప్టమ్స్ కనిపించగా వారిని ఐసొలేషన్లో ఉంచారు. అలాగే ఈ కుటుంబాన్ని కూడా ఐసొలేషన్ లో ఉంచడం జరిగింది.. అని శైలజ వివరించారు.