వికాస్ దూబే అనుచరుల్లో మరొకరి అరెస్ట్..

ఎన్ కౌంటర్ లో హతుడైన గ్యాంగ్ స్టర్ వికాస్ దూబే అనుచరుల్లో యూపీ పోలీసులు మరొకరిని అరెస్టు చేశారు. దీంతో దూబే కేసులో అరెస్టయిన వారి సంఖ్య 5 కి చేరింది. 24 ఏళ్ళ శివం దూబే అనే ఇతడిని ఈ నెల 23 న అరెస్టు చేసినట్టు పోలీసులు తెలిపారు. కాన్పూర్ లో జరిగిన 8 మంది పోలీసుల ఊచకోత కేసుకు సంబంధించి 21 మందిని నిందితులుగా గుర్తించారు. వివిధ ఎన్ కౌంటర్లలో ఆరుగురు మరణించారని, 5 గురిని అరెస్టు చేయగా..మరో పది మంది పరారీలో ఉన్నారని, వారిని కూడా త్వరలో అరెస్టు చేస్తామని పోలీసులు చెప్పారు. భిక్రు గ్రామంలో జులై 2 న జరిగిన ఘటనతో శివం దూబేకి కూడా ప్రమేయం ఉందని వారు పేర్కొన్నారు. ఆ ఘటన జరిగిన అనంతరం ఇతడు పట్టుబడకుండా అనేకచోట్ల దాక్కుంటూ వచ్చాడన్నారు. అయితే   ప్రత్యేక పోలీసు బృందాలకు పట్టుబడక తప్పలేదు.