కరోనా ఫియర్ ! ఢిల్లీలో నైట్ కర్ఫ్యూ విధించే యోచన, హైకోర్టుకు తెలిపిన ప్రభుత్వం, ఇక నిర్ణయమే తరువాయి
ఢిల్లీలో రాత్రివేళ కర్ఫ్యూ విధించే విషయాన్ని తీవ్రంగా పరిశీలిస్తున్నామని ప్రభుత్వం హైకోర్టుకు తెలిపింది. నగరంలో కరోనా వైరస్ కేసులు పెరిగిపోయిన నేపథ్యంలో -వీటిని అదుపు చేయడానికి ఎలాంటి చర్యలు తీసుకున్నారని..
ఢిల్లీలో రాత్రివేళ కర్ఫ్యూ విధించే విషయాన్ని తీవ్రంగా పరిశీలిస్తున్నామని ప్రభుత్వం హైకోర్టుకు తెలిపింది. నగరంలో కరోనా వైరస్ కేసులు పెరిగిపోయిన నేపథ్యంలో -వీటిని అదుపు చేయడానికి ఎలాంటి చర్యలు తీసుకున్నారని కోర్టు ప్రశ్నించింది. గత వారం రోజులుగా సిటీలో రోజూ ఈ కేసులు ఆరువేలకుపైగా నమోదవుతున్నాయి. రోజూ నైట్ కర్ఫ్యూ లేదా వీకెండ్స్ లో కర్ఫ్యూ విధించే యోచన ఉందా అని కూడా కోర్టు ప్రశ్నించింది. పంజాబ్ వంటి రాష్టాల్లో డిసెంబరు 1 నుంచి రాత్రి కర్ఫ్యూ విధిస్తున్నారు. పైగా మాస్కులు ధరించకపోతే భారీ జరిమానా విధిస్తున్నారు. ఇక కర్ఫ్యూ విషయంలో తామింకా ఎలాంటి నిర్ణయం తీసుకోలేదని, పరిస్థితిని బట్టి తీసుకుంటామని ఢిల్లీ సర్కార్ కోర్టుకు తెలియజేసింది. ఈ నెల 11 న నగరంలో ఒక్కరోజే 8 వేలకు పైగా కరోనా వైరస్ కేసులు నమోదైన విషయం గమనార్హం. అప్పుడే ఢిల్లీ హైకోర్టు ప్రభుత్వాన్ని తీవ్రంగా మందలించింది. మీరు సరైన చర్యలు తీసుకోకపోవడం వల్లే ఈ పరిస్థితి ఏర్పడిందని చురకలు వేసింది. గత నెలాఖరు నుంచి సిటీలో ప్రతిరోజూ ఈ కేసులు పెరుగుతున్నాయి.