రైల్వే ప్రయాణీకులకు ముఖ్య గమనిక.. పలు స్పెషల్ ట్రైన్స్ సమయాల్లో మార్పు.. కీలక సమాచారం ఇదే..

Special Trains Time Change: రైల్వే ప్రయాణీకులకు ముఖ్య గమనిక. కొన్ని స్పెషల్ ట్రైన్స్‌కు సంబంధించిన తేదీలు, సమయాల్లో మార్పులు చోటు చేసుకున్నట్లు రైల్వే శాఖ అధికారులు వెల్లడించారు. ప్రయాణీకుల రద్దీ క్రమక్రమంగా పెరుగుతున్న నేపథ్యంలో ఈ మేరకు నిర్ణయం తీసుకున్నామని అన్నారు. ప్రయాణీకులు ఈ మార్పులను గమనించాలని కోరారు.

భువనేశ్వర్-తిరుపతి-భువనేశ్వర్(08479/80): డిసెంబర్ 12వ తేదీ నుంచి 26 వరకు ప్రతీ శనివారం మధ్యాహ్నం 12 గంటలకు బదులు 12.10కి బయల్దేరుతుంది.. మరుసటి రోజు ఉదయం 8.10కి తిరుపతి చేరుతుంది. అలాగే 08480 నెంబర్‌తో ఈ నెల 13 నుంచి 27 వరకూ ప్రతీ ఆదివారం ఉదయం 10.25కి బయల్దేరి.. భువనేశ్వర్ తర్వాతి రోజు ఉదయం 5.55కు చేరుకుంటుంది.

భువనేశ్వర్‌–చెన్నై సెంట్రల్‌- భువనేశ్వర్(02839/40): డిసెంబర్ 17 నుంచి 31 వరకూ ప్రతీ గురువారం 02839 నెంబర్‌తో ఈ రైలు మధ్యాహ్నం 12.10కి భువనేశ్వర్ నుంచి బయల్దేరి.. ఆ తర్వాతి రోజు చెన్నై సెంట్రల్‌కు ఉదయం 7.40కి చేరుకుంటుంది. ఇక తిరుగు ప్రయాణంలో 02840 నెంబర్‌తో ఈ నెల 18 నుంచి జనవరి 1 వరకూ ప్రతీ శుక్రవారం రాత్రి 10 గంటలకు చెన్నై సెంట్రల్‌లో బయల్దేరి.. భువనేశ్వర్‌కు రెండో రోజు ఉదయం 5.55కి చేరుతుంది.

భువనేశ్వర్‌–బెంగళూరు-భువనేశ్వర్(02845/46): డిసెంబర్ 13 నుంచి 27 వరకూ ప్రతీ ఆదివారం 02845 నెంబర్‌తో ఈ రైలు ఉదయం 7.30 గంటలకు భువనేశ్వర్ నుంచి బయల్దేరి.. ఆ తర్వాతి రోజు బెంగళూరు‌కు ఉదయం 9.50కి చేరుకుంటుంది. ఇక తిరుగు ప్రయాణంలో 02846 నెంబర్‌తో ఈ నెల 15 నుంచి 29 వరకూ ప్రతీ మంగళవారం సాయంత్రం 4.45కి బెంగళూరు నుంచి బయల్దేరి.. భువనేశ్వర్‌కు రెండో రోజు సాయంత్రం 6.15కి చేరుతుంది.

భువనేశ్వర్‌–పుదుచ్చేరి-భువనేశ్వర్(02898/97): ఈ నెల 15 నుంచి 29 వరకూ ప్రతీ మంగళవారం 02898 నెంబర్‌తో ఈ రైలు మధ్యాహ్నం 12.10 గంటలకు భువనేశ్వర్ నుంచి బయల్దేరి.. ఆ తర్వాతి రోజు పుదుచ్చేరి మధ్యాహ్నం 12.10కి చేరుకుంటుంది. ఇక తిరుగు ప్రయాణంలో 02897 నెంబర్‌తో ఈ నెల 16 నుంచి 30 వరకూ ప్రతీ బుధవారం సాయంత్రం 4.45కి పుదుచ్చేరి నుంచి బయల్దేరి.. భువనేశ్వర్‌కు రెండో రోజు సాయంత్రం 6.55కి చేరుతుంది.

అలాగే భువనేశ్వర్-రామేశ్వరం వీక్లి ట్రైన్(08496) ఈ నెల 11 నుంచి 25 వరకు ప్రతీ శుక్రవారం మధ్యాహ్నం 12.10కి భువనేశ్వర్ నుంచి బయల్దేరి.. తర్వాతి రోజు రామేశ్వరం రాత్రి 10.35కి చేరుకుంటుంది. అలాగే తిరుగు ప్రయాణంలో ఈ రైలు 08495 నెంబర్‌తో ఈ నెల 13 నుంచి 27 వరకూ ప్రతీ ఆదివారం ఉదయం 8.50కి రామేశ్వరంలో బయల్దేరి.. భువనేశ్వర్ సాయంత్రం 6.10కి చేరుకుంటుంది.

పూరి‌–చెన్నై సెంట్రల్-పూరి(02859/60): ఈ నెల 13 నుంచి 27 వరకూ ప్రతీ ఆదివారం 02859 నెంబర్‌తో ఈ రైలు సాయంత్రం 5.30 గంటలకు పూరి నుంచి బయల్దేరి.. ఆ తర్వాతి రోజు చెన్నై సెంట్రల్ మధ్యాహ్నం 1.50కి చేరుకుంటుంది. ఇక తిరుగు ప్రయాణంలో 02860 నెంబర్‌తో ఈ నెల 14 నుంచి 28 వరకూ ప్రతీ సోమవారం సాయంత్రం 4.25కి చెన్నై సెంట్రల్ నుంచి బయల్దేరి.. పూరికి రెండో రోజు మధ్యాహ్నం 1.45కి చేరుతుంది.

విశాఖపట్నం‌–హజ్రత్ నిజాముద్దీన్-విశాఖపట్నం(02851/52): ఈ నెల 11 నుంచి 28 వరకూ ప్రతీ సోమవారం, శుక్రవారం 02851 నెంబర్‌తో ఈ రైలు ఉదయం 8.20 గంటలకు విశాఖ నుంచి బయల్దేరి.. ఆ తర్వాతి రోజు హజ్రత్‌ నిజాముద్దీన్‌కు సాయంత్రం 5 గంటలకు చేరుకుంటుంది. ఇక తిరుగు ప్రయాణంలో 02852 నెంబర్‌తో ఉదయం 5.10కి హజ్రత్ నిజాముద్దీన్ నుంచి బయల్దేరి.. విశాఖకు రెండో రోజు మధ్యాహ్నం 2.15కి చేరుతుంది.

విశాఖపట్నం‌–చెన్నై సెంట్రల్-విశాఖపట్నం(02869/70): ఈ నెల 14 నుంచి 28 వరకూ ప్రతీ సోమవారం 02869 నెంబర్‌తో ఈ రైలు రాత్రి 7.05 గంటలకు విశాఖ నుంచి బయల్దేరి.. ఆ తర్వాతి రోజు చెన్నై‌కు ఉదయం 7.40 గంటలకు చేరుకుంటుంది. ఇక తిరుగు ప్రయాణంలో 02870 నెంబర్‌తో ఈ నెల 15 నుంచి 29 వరకూ ప్రతీ మంగళవారం ఉదయం 10 గంటలకు చెన్నై సెంట్రల్ నుంచి బయల్దేరి.. విశాఖకు రెండో రోజు రాత్రి 10.30కి చేరుతుంది.

విశాఖపట్నం‌–కడప-విశాఖ(07488/87): ఈ నెల 12 నుంచి 31 వరకూ ప్రతీ రోజూ మధ్యాహ్నం 2 గంటలకు 07488 నెంబర్‌తో ఈ రైలు విశాఖపట్నం నుంచి బయల్దేరి.. ఆ తర్వాతి రోజు కడప ఉదయం 7 గంటలకు చేరుకుంటుంది. ఇక తిరుగు ప్రయాణంలో 07487 నెంబర్‌తో ఈ నెల 13 నుంచి జనవరి 1 వరకు ప్రతీ రోజు సాయంత్రం 5.45 కి కడప నుంచి బయల్దేరి.. విశాఖకు రెండో రోజు ఉదయం 11.30కి చేరుతుంది.