Natural Star Nani : నయా రూట్ ఎంచుకుంటున్న నేచురల్ స్టార్.. ఖుష్ అవుతున్న నాని ఫ్యాన్స్
నాచురల్ స్టార్ అనే ట్యాగ్‌ని కొద్దికొద్దిగా వదిలించుకుంటున్నారు హీరో నానీ. రీసెంట్‌గా నానీ ఫిల్మోగ్రఫీ మీద ఒక లుక్కేస్తే ఆ క్లారిటీ ఖచ్చితంగా వచ్చేస్తుంది.
Natural Star Nani: నాచురల్ స్టార్ అనే ట్యాగ్‌ని కొద్దికొద్దిగా వదిలించుకుంటున్నారు హీరో నానీ. రీసెంట్‌గా నానీ ఫిల్మోగ్రఫీ మీద ఒక లుక్కేస్తే ఆ క్లారిటీ ఖచ్చితంగా వచ్చేస్తుంది. లేటెస్ట్‌గా రిలీజైన దసరా ఫస్ట్‌లుక్ టీజర్ నానీ ముఖచిత్రాన్నే పూర్తిగా మార్చేసింది. ఇంతకీ నానీ ఎంచుకున్న నయా రూట్ ఏంటో తెలుసా.. స్టార్ హీరోలు బీడీయో సిగరెట్టో ముట్టించుకునే వెరైటీ ఫీట్లు చాలా సినిమాల్లో చూశాం. కానీ.. నానీ చేసిన ఈ స్పెషల్ ఫీట్ మాత్రం.. ఓ రేంజ్‌లో పేలుతోందిప్పుడు. ఏకంగా కేజీఎఫ్ స్టార్‌తో కంపార్ చేస్తున్నారు నేచురల్ స్టార్ ఫ్యాన్స్.
జస్ట్‌.. అలా రఫ్‌ అండ్ టఫ్‌గా కనిపించడం, రగ్డ్‌ లుక్స్‌ ట్రై చెయ్యడమే కాదు.. మేనరిజంలో కూడా సెకండ్ వెర్షన్ చూపిస్తున్నారు నేచురల్ స్టార్ నాని. శ్యామ్‌సింగరాయ్‌గా గంభీరంగా మీసం మెలేసినప్పుడు బెంగాల్ టైగర్‌ అనే సౌండ్ ఇచ్చారు. అష్టాచెమ్మా నుంచి టక్ జగదీశ్‌ దాకా.. పక్కింటబ్బాయిలా కనిపించి ఫ్యామిలీ ఆడియన్స్‌కి స్పెషలిస్టునయ్యా.. ఇక మీదట కథ వేరుంటది అంటూ.. పాన్‌ ఇండియా ఫ్లేవర్స్‌కి ప్లాన్ చేస్తున్నట్టుంది నానీ జోరు. అలాగని తనలోని ఒరిజినల్‌ మాత్రం మిస్సవ్వదట. సినిమాకో కొత్త నానిని చూస్తారు అని రీసెంట్‌గా తానిచ్చిన మాటకు కట్టుబడి.. ఆమేరకు అప్‌కమింగ్ సినిమాల లైనప్‌ని సెట్ చేసుకుంటున్నారు నాని. ఫ్లవర్‌ అనుకుంటిరా ఫైరు అని చెప్పకనే చెబుతున్నట్టుంది కదా ఈ నయా దసరా బుల్లోడి తీరు.
మరిన్ని ఇక్కడ చదవండి :