మలయాళ నటుడు ఫహద్ ఫాజిల్ ఎన్నో సూపర్ హిట్ సినిమాల్లో నటించి మెప్పించాడు. ‘మాలిక్’, ‘ బెంగళూరు డేస్ ‘, ‘విక్రమ్’ ఇలా చాలా సినిమాల్లో నటించి ఆకట్టుకున్నాడు. ఆయన నటనకు సపరేట్ఆ ఫ్యాన్య బేస్ ఉంది. ఇక అల్లు అర్జున్ పాన్ ఇండియా మూవీ పుష్పలో విలన్ గా నటించి మెప్పించారు ఫహద్. పుష్ప సినిమాలో ఆయన కనిపించేది తక్కువ సేపే అయినా.. తన నటనతో ఆకట్టుకున్నారు ఫహద్. అయితే తాజాగా ఫహద్ ఫాజిల్ ఇంట్రెస్టింగ్ కామెంట్స్ చేశారు. తన సినిమాల వల్ల ఎవరి జీవితాలు మారలేదని ఆయన అభిప్రాయపడ్డారు. నటనకు స్వస్తి చెప్పే ముందు అలాంటి సినిమాలు చేయాలని ఉందని తెలిపాడు ఫహద్ ఫాజిల్.
ఫహద్ ఫాజిల్ మాట్లాడుతూ.. చాలా మంది జీవితాలను మార్చే శక్తి సినిమాకు ఉంది. సినిమా చూసి తమ జీవితాలను మార్చుకున్న వారు చాలా మంది ఉన్నారు. అయితే తన సినిమాల వల్ల ఎవరి జీవితం మారలేదని ఫహద్ అన్నారు. ‘ప్యారడిసో’ అనే ఇటాలియన్ సినిమా ఆయన జీవితాన్ని మార్చేసిందని. ఆ సినిమా చూస్తున్నప్పుడు తనకు ఎలాంటి అనుభూతి కలుగుతుందో ప్రజలకు చెప్పాలనుకుంటున్నా అని అన్నారు ఫహద్.
‘నా సినిమాలు ఎవరినీ ప్రభావితం చేయలేదు. నేను ఎవరి జీవితాన్ని మార్చలేదు. ఒక్కరు కూడా వచ్చి ఈ విషయం చెప్పలేదు. కానీ ప్యారడిసో సినిమా నా జీవితాన్ని మార్చేసింది. చాలా సినిమాలు నన్ను ప్రభావితం చేశాయి. నేను నటనకు స్వస్తి చెప్పే ముందు ప్రేక్షకులకు అలాంటి అనుభవాన్ని అందించాలనేది నా కల అని అన్నారు. అలాగే ఫహద్ ఫాజిల్ మాట్లాడుతూ.. సినిమా ఒక్కటే జీవితం కాదు, ఇంకా చాలా ఆలోచనలు ఉన్నాయి’’ అని ఫహద్ అన్నారు. ఫహద్ ఫాజిల్ నటించిన ‘ఆవేశం’ ఇటీవల విడుదలై ప్రశంసలు అందుకుంది. ప్రస్తుతం తెలుగులో ‘పుష్ప 2’ సినిమాలో నటిస్తున్నాడు ఫహద్. సుకుమారన్ దర్శకత్వం వహిస్తున్న ఈ సినిమా ఆగస్ట్ 15న విడుదల కానుంది.
మరిన్ని సినిమా వార్తల కోసం ఇక్కడ క్లిక్ చేయండి.