118కు మహేశ్ బాబు ప్రశంసలు

హైదరాబాద్: పటాస్ తర్వాత హిట్ కోసం కష్టపడుతున్న నందమూరి కళ్యాణ్ రామ్‌కు 118 మూవీ కలిసొచ్చింది. ప్రస్తుతం టాలీవుడ్ బరిలో పెద్ద సినిమాలేవీ లేకపోవడంతో 118కు మంచి స్పందన వస్తోంది. మంచి కలెక్షన్లతో థియేటర్లలో హవా కొనసాగిస్తోంది. దీనికి పోటీగా మరే చిత్రం లేకపోవడంతో ప్రేక్షకులు దీనికే ప్రాధాన్యతనిస్తున్నారు.

దీంతో చిత్ర బృందం కూడా ప్రమోషన్ చేసి మరింత ఊపు తీసుకురావాలని చూస్తున్నారట. పలువురు ఈ మూవీపై ప్రశంసలు కురిపించడం మరింత బలాన్ని చేకూరుస్తోంది. సూపర్ స్టార్ మహేశ్ బాబు ఆసక్తికరమైన ట్వీట్ చేశాడు. ఆసక్తికరమైన కథ, కథనంతో ఉన్న 118 చూసి ఎంజాయ్ చేశాను. సినిమాటోగ్రఫర్‌గా, దర్శకుడిగా గుహన్‌ పనితనం చాలా బాగుంది. మూవీ యూనిట్‌కు శుభాకాంక్షలు అంటూ ట్వీట్ చేశాడు మహేశ్ బాబు.