PPF: పీపీఎఫ్ కొత్త వడ్డీ రేటు ఇదే.. ఖాతాతో ఎన్ని ప్రయోజనాలంటే..
వాటిల్లో పబ్లిక్ ప్రావిడెంట్ ఫండ్ (పీపీఎఫ్) ఒకటి. దీనిలో దీర్ఘకాలంలో స్థిరమైన, కచ్చితమైన రాబడి వస్తుంది. పైగా పన్ను ప్రయోజనాలు ఉంటాయి. అందుకే అత్యధికశాతం మంది దీనిలో విరివిగా పెట్టుబడులు పెడుతున్నారు. పైగా పెట్టుబడిదారులకు క్రమ పద్ధతిలో చిన్న మొత్తాలను పెట్టుబడిగా పెట్టేందుకు ఈ పీపీఎఫ్ పథకం అవకాశాన్ని కల్పిస్తుంది.
భారతీయ మార్కెట్లో అనేక పెట్టుబడి పథకాలు అందుబాటులో ఉన్నప్పటికీ కొన్ని పథకాలు మాత్రమే బాగా ప్రాచుర్యం పొందుతాయి. వాటిల్లో పబ్లిక్ ప్రావిడెంట్ ఫండ్ (పీపీఎఫ్) ఒకటి. దీనిలో దీర్ఘకాలంలో స్థిరమైన, కచ్చితమైన రాబడి వస్తుంది. పైగా పన్ను ప్రయోజనాలు ఉంటాయి. అందుకే అత్యధికశాతం మంది దీనిలో విరివిగా పెట్టుబడులు పెడుతున్నారు. పైగా పెట్టుబడిదారులకు క్రమ పద్ధతిలో చిన్న మొత్తాలను పెట్టుబడిగా పెట్టేందుకు ఈ పీపీఎఫ్ పథకం అవకాశాన్ని కల్పిస్తుంది. తద్వారా దీర్ఘకాలంలో మీ ఆర్థిక లక్ష్యాలను అందుకునేలా చేస్తుంది. మరి ఇన్ని ప్రయోజనాలు కలిగిన పీపీఎఫ్ ఖాతాను ఎవరు తెరవవవచ్చు. దీనిలో ప్రస్తుతం ఇస్తున్న వడ్డీ రేటు ఎంత? ఇతర ప్రయోజనాలు ఎలా ఉంటాయి? తెలియాలంటే ఈ కథనం చదవాల్సిందే మరి..
పీపీఎఫ్ ఖాతాను ఎవరు తెరవొచ్చంటే..
పీపీఎఫ్ కింద ఖాతాను భారతీ నివాసి అయిన ఎవరైనా తెరవొచ్చు. అయితే అతను మేజర్ అయి ఉండాలి. అంటే 18 ఏళ్ల పైబడిన వయసు కలిగిన వారు అయి ఉండాలి. అదే మైనర్ లేదా మానసిక స్థితి సరిగా లేని వ్యక్తి తరఫున అయితే సంరక్షకుడి పేరు మీద ఖాతా తెరవవచ్చు. ఒక పబ్లిక్ ప్రావిడెంట్ ఫండ్ ఖాతాను మాత్రమే ఒక వ్యక్తి నిర్వహించగలడు. మైనర్ / మానసిక స్థితి లేని వ్యక్తి తరపున తెరవబడిన ఖాతా తప్ప. ఖాతాను తల్లి లేదా తండ్రి వారి మైనర్ కొడుకు లేదా కుమార్తె తరపున తెరవవచ్చు.
పీపీఎఫ్ వడ్డీ రేటు..
పబ్లిక్ ప్రావిడెంట్ ఫండ్ పై 7.1% వడ్డీ రేటు లభిస్తోంది. ఇది సెక్షన్ 80సీ కింద పన్ను నుంచి పూర్తిగా మినహాయింపు లభిస్తోంది. ఈ వడ్డీ రేటు జూలై-సెప్టెంబర్ 2024 త్రైమాసికానికి సంబంధించినది.
ఒకవేళ ఖాతాదారుడు పీపీఎఫ్ ప్రారంభించిన తర్వాత ఎన్ఆర్ఐగా మారితే.. పబ్లిక్ ప్రావిడెంట్ ఫండ్ స్కీమ్ కింద నిర్దేశించిన మెచ్యూరిటీ వ్యవధిలో ఎన్ఆర్ఐగా మారిన నివాసి, తిరిగి స్వదేశానికి వెళ్లని ప్రాతిపదికన దాని మెచ్యూరిటీ వరకు ఫండ్‌కు సభ్యత్వాన్ని కొనసాగించవచ్చు. అయితే, ఈ ఖాతాలను మరింత పొడిగించడం సాధ్యం కాదు.
పరిమితులు ఇవి..
ప్రతి ఆర్థిక సంవత్సరంలో కనీస పెట్టుబడి రూ.500/-.. అదే సమయంలో ప్రతి ఆర్థిక సంవత్సరంలో గరిష్ట పెట్టుబడి రూ.1,50,000/- వరకూ చేసుకోవచ్చు. ఏడాదికి కనీసం ఏడాదికి ఖాతాలో కనీసం రూ. 500 డిపాజిట్ చేయాలి. లేకపోతే ఖాతా పనిచేయడం నిలిచిపోతుంది.
ఖాతా బదిలీ..
పీపీఎఫ్ ఖాతాలను ఇతర బ్యాంకులు లేదా పోస్టాఫీసుల నుంచి బదిలీ చేయవచ్చు. అటు నుంచి ఇటు కూడా చేయొచ్చు. అదెలా అంటే..
పీపీఎఫ్ ఖాతాను బదిలీ చేయడానికి, ఖాతాదారుడు ఖాతా ఉన్న బ్యాంక్/పోస్టాఫీసుకు తప్పనిసరిగా అభ్యర్థనను ఫైల్ చేయాలి. పాత బ్యాంక్/పోస్టాఫీసు కస్టమర్ కొత్త బ్రాంచ్ చిరునామాకు బకాయి ఉన్న బ్యాలెన్స్ కోసం చెక్కు/డీడీతో సహా సంబంధిత డాక్యుమెంటేషన్‌ను బట్వాడా చేస్తుంది.
రుణ సదుపాయం..
పీపీఎఫ్ ఖాతాపై రుణం తీసుకొనే అవకాశం కూడా ఉంటుంది. అయితే ముప్పై ఆరు నెలలలోపు రుణాన్ని తిరిగి చెల్లించకపోతే లేదా పాక్షికంగా మాత్రమే తిరిగి చెల్లించినట్లయితే మొదటి రోజు నుంచి ప్రారంభమయ్యే రుణం మొత్తంపై సంవత్సరానికి ఆరు శాతం వరకూ వడ్డీ వసూలు చేస్తారు.
పీపీఎఫ్ ఖాతాను మెచ్యూరిటీ తర్వాత ఎటువంటి తదుపరి డిపాజిట్లు చేయకుండా కొనసాగించవచ్చు. బ్యాలెన్స్ నోటిఫైడ్ రేట్ల వద్ద వడ్డీని పొందడం కొనసాగుతుంది. సబ్‌స్క్రైబర్ ప్రతి ఆర్థిక సంవత్సరంలో అందుబాటులో ఉన్న బ్యాలెన్స్‌లోపు ఏదైనా మొత్తాన్ని ఒకేసారి విత్‌డ్రా చేసుకోవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..