Nissan Weekend Carnival: ఆఫర్ల కార్నివాల్.. ఆ కారు కొనుగోలుపై ఏకంగా రూ. 1.35లక్షల వరకూ ఆదా..

Nissan Magnite

నిస్సాన్ కార్లకు మన దేశంలో మంచి డిమాండే ఉంది. ముఖ్యంగా నిస్సాన్ మాగ్నైట్ కారు ఎక్కువగా అమ్ముడవుతోంది. ఈ క్రమంలో నిస్సాన్ మోటార్ ఇండియా ‘వీకెండ్ కార్నివాల్’ పేరుతో ప్రత్యేక ఆఫర్లను ప్రకటించింది, ఇది జూన్ 8-9, జూన్ 15-16, తేదీల్లో అమలవుతోంది. దేశంలోని నిస్సాన్ డీలర్ షిప్ నెట్ వర్క్ అన్నింటిలోనూ ఇది అందుబాటులో ఉంటుంది. ఈ వీకెండ్ కార్నివాల్లో భాగంగా నిస్సాన్ ‘ఎన్ఎంఐపీఎల్ లాయల్టీ ప్రోగ్రామ్ ‘ను ప్రవేశ పెట్టింది. ఇది నిస్సాన్ మాగ్నైట్ పై రూ. 1,35,100 వరకు ప్రయోజనాలను అందిస్తోంది. ఈ ప్రయోజనాల్లో ప్రత్యేక ఎక్స్ఛేంజ్, లాయల్టీ ఆఫర్లు, 3-సంవత్సరాల ప్రీ-పెయిడ్ మెయింటెనెన్స్ ప్రోగ్రామ్, ప్రత్యేకమైన ఫైనాన్స్ ఆప్షన్లను కలిగి ఉంటాయి. ఈ నిస్సాన్ వీకెండ్ కార్నివాల్ గత వారం ప్రారంభవగా.. వచ్చే వీకెండ్ అంటే జూన్ 15,16 తేదీల్లో అందుబాటులో ఉండనుంది. దీని గురించిన పూర్తి వివరాలు ఇప్పుడు చూద్దాం..

వీటికి ఆఫర్ లేదు..

నిస్సాన్ మాగ్నైట్ అన్ని వేరియంట్లకు ఈ వీకెండ్ కార్నివాల్ ఆఫర్లు వర్తించవని కంపెనీ పేర్కొంది. మాగ్నైట్ ఎంటీ ఎక్స్ఈ, ఏఎంటీ ఎక్స్ఈ వేరియంట్లకు వర్తించవు. అలాగే కార్నివాల్ సమయంలో కస్టమర్లు బుకింగ్ చేసిన తర్వాత కొన్ని బహుమతులు, ఉపకరణాలను అతిథుల చేతుల మీదుగా అందుకునే అవకాశం ఉంది. అలాగే కొన్ని యాక్సెసరీలు, డిస్కౌంట్లను గెలుచుకోడానికి లక్కీ డ్రా కూడా జరుగుతుంది.

పెరుగుతున్న విక్రయాలు..

నిస్సాన్ ఇటీవలే బలమైన అమ్మకాల గణాంకాలను ప్రకటించింది. మొత్తం టోకు విక్రయాలు 6,204 యూనిట్లకు చేరుకున్నాయి. ఇది ఏప్రిల్ 2024 (3,043 యూనిట్లు)తో పోల్చితే 104 శాతం గణనీయమైన పెరుగుదలను సూచిస్తుంది. మే 2023 నుంచి (4,631 యూనిట్లు) వార్షికంగా 34 శాతం వృద్ధిని సూచిస్తుంది (4,631 యూనిట్లు). తన వృద్ధి వ్యూహంలో భాగంగా, నిస్సాన్ ఇండియా తన డీలర్షిప్ నెట్వర్క్ ను దేశవ్యాప్తంగా క్రమంగా విస్తరిస్తోంది. శ్రీనగర్, సేలం, ఢిల్లీ, దుర్గాపూర్లలో ఇటీవలి చేర్పులు వారి మొత్తం టచ్ పాయింట్లను 272కి తీసుకువచ్చాయి. దేశవ్యాప్తంగా కస్టమర్లకు మెరుగైన విక్రయాలు, సేవా అనుభవాలను అందిస్తాయి. ఈ నెట్ వర్క్ విస్తరణ రాబోయే ఆర్థిక సంవత్సరంలో కూడా కొనసాగుతుందని కంపెనీ పేర్కొంది.

నిస్సాన్ మాగ్నైట్ కొత్త వేరియంట్..

నిస్సాన్ ఇండియా మాగ్నైట్ లైనప్కి కొత్త జోడింపును ప్రకటించింది. GEZA CVT స్పెషల్ ఎడిషన్. దీని ధర రూ. 39.84 లక్షల (ఎక్స్-షోరూమ్) నుంచి ప్రారంభమవుతుంది. ఈ వేరియంట్ ప్రీమియం ఫ్లెయిర్ను పొందాలనుకునే బడ్జెట్ కాన్షియస్ కొనుగోలుదారుల కోసం ఆటోమేటిక్ ట్రాన్స్ మిషన్ ఎంపికను అందిస్తుంది. GEZA CVT స్పెషల్ ఎడిషన్ స్పోర్టియర్ కురో బ్లాక్ ఎడిషన్ కింద ఉంది. దీని ఫీచర్లను గమనిస్తే.. దీనిలో పెద్ద 9 అంగుళాల హెచ్డీ టచ్ స్క్రీన్ డిస్ ప్లే, వైర్ లెస్ యాపిల్ కార్ ప్లే, ఆండ్రాయిడ్ ఆటో కనెక్టివిటీ, ప్రీమియం జేబీఎల్ స్పీకర్ సిస్టమ్ ఉన్నాయి. అదనపు సౌలభ్యం, భద్రత కోసం వెనుక వీక్షణ కెమెరాతో వస్తుంది.

మరిన్ని బిజినెస్ వార్తల కోసం ఇక్కడ క్లిక్ చేయండి..