బీఎండబ్ల్యూ ఎలక్ట్రిక్ స్కూటర్ లాంచ్ డేట్ ఫిక్స్.. ధర తెలిస్తే జడుసుకుంటారు!

Bmw Ce 04 Electric Scooter

లగ్జరీ కార్లకు ప్రసిద్ధి గాంచిన బీఎండబ్ల్యూ.. ద్విచక్ర వాహన శ్రేణిలో ఓ స్కూటర్ ను తీసుకొస్తోంది. అది కూడా ఎలక్ట్రిక్ వేరియంట్లో. ఇది లాంచ్ అయితే ప్రపంచంలో అత్యంత ఖరీదైన ఎలక్ట్రిక్ స్కూటర్ గా రికార్డులకెక్కే అవకాశం ఉంది. దీని ధర దాదాపు రూ. 10లక్షల వరకూ ఉండే అవకాశం ఉందని చెబుతున్నారు. కాగా దీని లాంచ్ డేట్ ను బీఎండబ్ల్యూ అధికారికంగా ప్రకటించింది. బీఎండబ్ల్యూ సీఈ04 పేరుతో 2024, జూలై 24న దీనిని మన దేశంలో లాంచ్ చేయనున్నట్లు బీఎండబ్ల్యూ మోటోరాడ్ వెల్లడించింది. ఈ జర్మన్ బ్రాండ్ దేశవ్యాప్తంగా ఉన్న అన్ని అధీకృత బీఎండబ్ల్యూ మోటోరాడ్ డీలర్‌షిప్‌లలో సీఈ 04 కోసం ప్రీ-లాంచ్ బుకింగ్‌లను ప్రారంభించినట్లు ప్రకటించింది. ఈ నేపథ్యంలో బీఎండబ్ల్యూ సీఈ04 డిజైన్, స్పెసిఫికేషన్స్, ధర వంటి పూర్తి వివరాలు ఇప్పుడు చూద్దాం..

బీఎండబ్ల్యూ సీఈ04 డిజైన్..

బీఎండబ్ల్యూ సీఈ04 అత్యాధునిక సాంకేతికతతో విలక్షణమైన డిజైన్లో వస్తోంది. ఫ్లాట్ హ్యాండిల్‌బార్, సరికొత్తగా బాడీవర్క్, ఎల్ఈడీ లైటింగ్ ఒక ప్రత్యేకమైన సిల్హౌట్‌ను సృష్టిస్తాయి. అది ఖచ్చితంగా కొత్త ట్రెండ్ ను సృష్టిస్తుందనడంలో సందేహం లేదు. ఈ స్కూటర్ మొత్తం రూపం బీఎండబ్ల్యూ డిజైన్ ఫిలాసఫీని ప్రతిబింబిస్తూ, ఫంక్షన్,ఫారమ్‌ల సంపూర్ణ సమ్మేళనంగా కనిపిస్తోంది.

బీఎండబ్ల్యూ సీఈ04 ఫీచర్లు..

బీఎండబ్ల్యూ సీఈ04 రైడర్ సౌకర్యం, భద్రత రెండింటినీ మెరుగుపరిచే ఫీచర్లతో లోడ్ చేసి ఉంటుంది. ఒక పెద్ద ఫుల్ కలర్ టీఎఫ్టీ డిస్‌ప్లే రైడర్ కు అవసరమైన సమాచారాన్ని అందిస్తుంది. ఇది స్మార్ట్‌ఫోన్ కనెక్టివిటీని కూడా అందిస్తుంది. ఈ స్కూటర్‌లో ట్రాక్షన్ కంట్రోల్, ఏబీఎస్ వంటి అధునాతన రైడర్ సౌకర్యాలను అందిస్తోంది. ఇది మంచి పనితీరును నిర్ధారిస్తుంది. ఎర్గోనామిక్ డిజైన్, సౌకర్యవంతమైన సీటింగ్ పొజిషన్ రద్దీగా ఉండే పట్టణ పరిసరాలలో కూడా రిలాక్స్డ్ రైడింగ్ అనుభవాన్ని అందిస్తుంది.

బీఎండబ్ల్యూ సీఈ04 పవర్‌ట్రెయిన్..

ఈ కొత్త ఎలక్ట్రిక్ స్కూటర్ 42 బీహెచ్పీ 62 ఎన్ఎం టార్క్‌ను విడుదల చేసే లిక్విడ్-కూల్డ్ ఎలక్ట్రిక్ మోటార్ ను అందిస్తుంది. ఇది 8.5కేడబ్ల్యూహెచ్ బ్యాటరీ మంచి పరిధిని నిర్ధారిస్తుంది. పనితీరు విషయానికి వస్తే, సీఈ 04 గరిష్టంగా గంటకు 120 కిలోమీటర్ల వేగాన్ని అందుకోగలగుతుంది. అలాగే 0-50 మైళ్ల వేగాన్ని కేవలం 2.6 సెకన్లలో అందుకుంటుంది. దీనిలో మూడు రైడ్ మోడల్‌లు ఉన్నాయి- ఎకో, రెయిన్, రోడ్. వీటితో రైడర్ కు వెసులుబాటు కలుగుతుంది.

బీఎండబ్ల్యూ సీఈ04 ధర..

దీని ధర ఎంత అనేది ఇంకా పూర్తిగా రివీల్ కాలేదుగానీ, రూ. 10లక్షల రేంజ్ లో ఉండే అవకాశం ఉందని మార్కెట్ వర్గాలు అంచనా వేస్తున్నాయి. అదే నిజమైతే దేశంలోని అత్యంత ఖరీదైన ఎలక్ట్రిక్ స్కూటర్ గా ఇది నిలుస్తుంది.

మరిన్ని బిజినెస్ వార్తల కోసం ఇక్కడ క్లిక్ చేయండి..