Vastu Tips: తులసి మొక్క దగ్గర ఈ వస్తువులు పెడుతున్నారా.? ఇబ్బందులు తప్పవు

ప్రతీ ఒక్కరి ఇంట్లో కచ్చితంగా తులసి మొక్క ఉంటుందని తెలిసిందే. తులసి మొక్కను హిందువులు దైవంగా భావించి పూజలు కూడా చేస్తుంటారు. అందుకే తులసిని అత్యంత పవిత్రంగా భావిస్తుంటారు. స్నానం చేయకుండా తులసి మొక్కకు నీరు కూడా పోయరు. అయితే మనలో కొందరు తెలిసో తెలియకో తులసి మొక్క విషయంలో కొన్ని తప్పులు చేస్తుంటారు. వీటివల్ల ఆర్థికంగా ఇబ్బందులు తప్పవని పండితులు చెబుతున్నారు. ఇంతకీ ఆ తప్పులు ఏంటో ఇప్పుడు తెలుసుకుందాం..

* అత్యంత పవిత్రంగా భావించే తులసి కోట వద్ద ఎట్టి పరిస్థితుల్లో చెప్పులు లేదా బూట్లను వదలకూడదని పండితులు చెబుతున్నారు. ఇలా చేయడం వల్ల ఇంట్లో ఆర్థిక ఇబ్బందులు తప్పవని చెబుతున్నారు. తులసిని లక్ష్మీవేదికి ప్రతిరూపంగా భావించడమే ఇందుకు కారణంగా చెబుతున్నారు.

* ఇక తులసి మొక్క ఉన్న చోట డస్ట్‌ బిన్‌లను కూడా ఏర్పాటు చేయకూడదు. ఇలా చేసినా ఇంట్లో ఆర్థికపరమైన ఇబ్బందులు తప్పవని చెబుతున్నారు.

* అలాగే తులసి మొక్క చాలా పవిత్రమైనది మరియు పూజనీయమైనది. కాబట్టి తులసి మొక్క వద్ద చీపురును కూడా పెట్టకూడదని నిపుణులు చెబుతున్నారు. ఇలా చేసినా ఆర్థిక సమస్యలు తప్పవని అంటున్నారు.

* తులసి మొక్కకు సమీపంలో ముళ్ల మొక్కలు లేకుండా చూసుకోవాలని పండితులు చెబుతున్నారు. ఇది ఆర్థికపరిస్థితిపైనే కాకుండా ఇంట్లో ఉండే వ్యక్తుల మానసిక ఆలోచనలపై కూడా ప్రతికూల ప్రభావం చూపుతుందని చెబుతున్నారు.

* ఇక తులసి మొక్కను కచ్చితంగా ఈశాన్యం లేదా తూర్పు దిక్కులో ఉండేలా చూసుకోవాలి. అలాగే తులసి మొక్కకు తగినంతా సూర్య రక్ష్మి లభించేలా జాగ్రత్తలు తీసుకోవాలి.

* తులసి మొక్క ఉన్న చోట శివలింగాన్ని ఉంచకూడదని పండితులు చెబుతున్నారు. ఇది వెనకాల ఒక పురాణ ఇతిహాసం కూడా ఉంది. దీని ప్రకారం.. తులసి పూర్వ జన్మలో జలంధరుడనే రాక్షసుడి భార్య వృంద. ఈ రాక్షసుని శివుడే వధించాడు. అందువల్ల ఎప్పుడూ కూడా శివలింగం దగ్గర తులసి దళాన్ని పెట్ట కూడదని చెబుతున్నారు.

నోట్‌: పైన తెలిపిన విషయాలు కేవలం పలువురు వాస్తు పండితులు తెలిపిన అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయ ఆధారాలు లేవని రీడర్స్‌ గమనించాలి.

మరిన్ని ఇంట్రెస్టింగ్ వార్తల కోసం క్లిక్ చేయండి..