Breaking News
  • హైదరాబాద్: పోలీసులకు 9 క్వింటాళ్ల బియ్యాన్ని ఉచితంగా అందించిన రైస్‌ మిల్లర్స్‌ అసోసియేషన్‌, కార్యక్రమంలో పాల్గొన్న మేయర్‌ బొంతు రామ్మోహన్‌.
  • కేంద్ర ప్రభుత్వానికి సుప్రీంకోర్టు నోటీసులు. వలస కార్మికులకు కనీస వేతనం చెల్లించేలా ఆదేశాలివ్వాలని పిటిషన్‌. పిటిషన్‌పై విచారించిన సుప్రీంకోర్టు. వివరణ ఇవ్వాలంటూ కేంద్రానికి నోటీసులు ఇచ్చిన సుప్రీంకోర్టు.
  • అన్నార్తుల ఆకలి తీరుస్తున్న అన్నపూర్ణ భోజనం. మధ్యాహ్నం 40 వేల మందికి, రాత్రి పూట 15 వేల మందికి భోజనం. నాణ్యమైన భోజనం అందించడమే లక్ష్యమంటున్న జీహెచ్‌ఎంసీ. ఆరేళ్ల క్రితం 8 కేంద్రాలతో ప్రారంభం, నేడు 150 కేంద్రాలకు విస్తరణ.
  • గాంధీ ఆస్పత్రిలో డాక్టర్లపై దాడి చేయడం సిగ్గుచేటు. డాక్టర్లపై దాడిని ఒవైసీ ఎందుకు ఖండించలేదు. ప్రభుత్వానికి, డాక్టర్లకు సహకరించాలని ఒవైసీ ఎందుకు చెప్పడంలేదు. డాక్టర్లపై దాడి చేస్తే రోగులను అడవుల్లో వదిలిపెట్టాలి -ఎమ్మెల్యే రాజాసింగ్‌.
  • విశాఖలో కరోనా వైరాలజీ ల్యాబ్‌. కేజీహెచ్‌లో ఇకపై కరోనా నిర్ధారణ పరీక్షలు. కాసేపట్లో ప్రారంభించనున్న మంత్రి అవంతి శ్రీనివాస్‌.

కేంద్రం కోర్టులోకి ఏబీవీ కేసు

abv approached cat for justice, కేంద్రం కోర్టులోకి ఏబీవీ కేసు

ఏపీలో అవినీతి ఆరోపణలతో సస్పెండయిన ఐబీ మాజీ చీఫ్ ఏబీ వెంకటేశ్వర రావు ఇష్యూ కేంద్రం ముందుకు వెళ్ళింది. రాష్ట్ర ప్రభుత్వం తనను సస్పెండ్ చేస్తూ జారీ చేసిన ఉత్తర్వులను చట్టవిరుద్ధమైనవిగా ప్రకటించాలని కోరుతూ ఏబీ వెంకటేశ్వర రావు కేంద్ర పరిపాలనా ట్రైబ్యునల్‌ని ఆదేశించారు.

తనను ఇటీవల సస్పెండ్ చేసినప్పటికీ.. గత మే 31 నుంచి తనకు వేతనం చెల్లించడం లేదని వెంకటేశ్వరరావు క్యాట్ (సెంట్రల్ అడ్మినిస్ట్రేషన్ ట్రైబ్యునల్)కు ఫిర్యాదు చేశారు. నిరాధారమైన ఆరోపణలతో సస్పెండ్ చేయడం చట్టవిరుద్ధమని ఏబీ వెంకటేశ్వరరావు వాదిస్తున్నారు. రాజకీయ ఒత్తిళ్లతో జారీ చేసిన సస్పెన్షన్ ఉత్తర్వులను కొట్టివేయాలని ఏబీ వెంకటేశ్వరరావు క్యాట్‌ను కోరారు.

అయితే.. చంద్రబాబు హయాంలో ఇంటెలిజెన్స్ చీఫ్‌గా వున్న ఏబీ వెంకటేశ్వరరావు నిఘావిభాగం కోసం సాంకేతిక పనిముట్ల కొనుగోలులో అవినీతికి పాల్పడ్డారని, కొనుగోళ్ళలో తన తనయుని ఫర్మ్‌కు ప్రయోజనం కలిగేలా వ్యవహరించారని ఏబీ వెంకటేశ్వరరావు ఆరోపణలు ఎదుర్కొంటున్నారు. అప్పట్లో డీజీపీ స్థాయి అధికారులు వద్దని వారించినా వినకుండా ఏబీ వెంకటేశ్వరరావు తన సంబంధీకులకు ప్రయోజనం కలిగించారన్నది ప్రస్తుతం ఆయన ఎదుర్కొంటున్న ప్రధాన ఆరోపణ.

ఈ ఆరోపణలతో ఏబీ వెంకటేశ్వరరావును గత వారం జగన్ ప్రభుత్వం సస్పెండ్ చేసింది. ఆయనపై వచ్చిన ఆరోపణలపై దర్యాప్తు ప్రారంభించింది. అయితే తనపై మోపిన అభియోగాలలో వాస్తవం లేదని ఏబీ వెంకటేశ్వరరావు వాదిస్తున్నారు. తాజాగా ఆయన క్యాట్‌ని ఆశ్రయించడంతో ఏబీవీ కేసు కేంద్రం కోర్టులోకి వెళ్ళినట్లయింది. ఏబీ పిటిషన్ మీద వాదనలు వినిపించేందుకు ప్రత్యేక న్యాయవాదిని నియమించారు. ఏపీ ప్రభుత్వం తరపున వాదనలు వినిపించేందుకు అడ్వకేట్ ప్రకాష్ రెడ్డిని రాష్ట్ర ప్రభుత్వం నియమించింది.

Related Tags