భారతీయ జనతా పార్టీ లోక్‌సభ ఎన్నికల ఫలితాలు

భారతీయ జనతా పార్టీ(బీజేపీ) నాయకత్వంలో 2019 వరకు కేంద్రంలో ఐదుసార్లు ప్రభుత్వం ఏర్పడింది.

భారతీయ జనతా పార్టీ(బీజేపీ) నాయకత్వంలో 2019 వరకు కేంద్రంలో ఐదుసార్లు ప్రభుత్వం ఏర్పడింది. ఆ పార్టీ నుంచి మొదట అటల్ బిహారీ వాజ్‌పేయి, ఆ తర్వాత నరేంద్ర మోదీ దేశ ప్రధాని అయ్యారు.

భారతీయ జనతా పార్టీ (బిజెపి) దేశంలోని రెండు ప్రధాన రాజకీయ పార్టీలలో ఒకటి. ఈ పార్టీ 2014 నుంచి కేంద్రంలో అధికారంలో ఉంది. 21 అక్టోబర్ 1951న భారతీయ జనసంఘ్ పేరుతో పార్టీ స్థాపించబడింది. డాక్టర్. శ్యామ ప్రసాద్ ముఖర్జీ దీనికి మొదటి అధ్యక్షుడు అయ్యారు. భారతీయ జనసంఘ్ 1951-52లో దేశంలో జరిగిన మొదటి సార్వత్రిక ఎన్నికల్లో పాల్గొని 3 సీట్లు గెలుచుకుంది. జనసంఘ్ ఇతర పార్టీలతో కలిసి 1977లో జనతా పార్టీలో విలీనమయ్యింది. అయినప్పటికీ, జనతా పార్టీ జాతీయ కార్యనిర్వాహక మండలి పార్టీలో ద్వంద్వ సభ్యత్వాన్ని (పార్టీ సభ్యత్వం, RSS సభ్యత్వం) నిషేధించింది. దీని పట్ల అసంతృప్తితో కొందరు వ్యక్తులు జనతా పార్టీని విడిచిపెట్టారు.

ఆ తర్వాత 6 ఏప్రిల్ 1980న భారతీయ జనతా పార్టీ పేరుతో కొత్త రాజకీయ పార్టీని స్థాపించారు. దానికి అటల్ బిహారీ వాజ్‌పేయి బీజేపీ తొలి వ్యవస్థాపక అధ్యక్షుడయ్యారు. 1984లో జరిగిన తొలి లోక్‌సభ ఎన్నికల్లో బీజేపీ 2 సీట్లు గెలుచుకుంది. 2014 ఎన్నికల్లో బీజేపీ తొలిసారి పూర్తి మెజారిటీతో విజయం సాధించింది. బీజేపీ 282 సీట్లు గెలుచుకుంది. 2019 ఎన్నికల్లో బీజేపీ 303 సీట్లు గెలుచుకుంది.

1990వ దశకంలో అటల్‌ బిహారీ వాజ్‌పేయి, లాల్‌ కృష్ణ అద్వానీల నేతృత్వంలో జరిగిన రామమందిర ఉద్యమం కారణంగా బీజేపీ ప్రజల్లోకి దూసుకెళ్లి 100కు పైగా సీట్లు గెలుచుకోగలిగింది. క్రమంగా ఆ పార్టీ మెజారిటీకి చేరువైంది. బీజేపీ నుంచి అటల్ బిహారీ వాజ్‌పేయి దేశానికి తొలి ప్రధాని అయ్యారు. 1996లో తొలిసారిగా 13 రోజులకు మాత్రమే ఆయన ప్రధానిగా ఉన్నారు. అవసరమైన సంఖ్యా బలం లేకపోవడంతో ఆయన తన పదవికి రాజీనామా చేయాల్సి వచ్చింది. 1998లో రెండోసారి ప్రధాని అయ్యారు. రెండోసారి కూడా కేవలం 13 మాసాలతో ఆయన తన పదవికి రాజీనామా చేయాల్సిన పరిస్థితి ఏర్పడింది. 1999 సార్వత్రిక ఎన్నికలలో BJP నేతృత్వంలోని NDA మొదటిసారి మెజారిటీతో అధికారంలోకి వచ్చింది. వాజ్‌పేయి మూడోసారి దేశ ప్రధానమంత్రి అయ్యారు. వాజ్‌పేయి ప్రభుత్వంలో లాల్ కృష్ణ అద్వానీ ఉప ప్రధానిగా ఉన్నారు.

2014 లోక్‌సభ ఎన్నికల్లో బీజేపీ సొంతంగా మెజారిటీ సాధించింది. 336 సీట్లు కైవసం చేసుకున్న ఎన్డీయేకు నాయకత్వం వహించి నరేంద్ర మోదీ దేశానికి ప్రధాని అయ్యారు. 2019లో కూడా అంతకంటే పెద్ద విజయంతో నరేంద్ర మోదీ రెండోసారి ప్రధాని అయ్యారు. 2019లో బీజేపీ 303 సీట్లు గెలుచుకోగా, ఎన్డీయే 350కి పైగా సీట్లు గెలుచుకుంది. దేశంలోనే వరుసగా పదేళ్లు పాలించిన తొలి కాంగ్రెసేతర నేతగా నరేంద్ర మోదీ ఘనత సాధించారు.