భువనగిరి లోక్‌సభ ఎన్నికల ఫలితాల వార్తలు - Bhuvanagiri Lok Sabha Constituency Election Result

తెలంగాణ రాష్ట్రంలో మొత్తం 17 లోక్‌సభ స్థానాలున్నాయి. అందులో కీలకమైన పార్లమెంట్ నియోజకవర్గాల్లో భోంగిర్ ఒకటి. ఇక ఓటర్ల పరంగా చూస్తే ఈ లోక్‌సభ నియోజకవర్గంలో దాదాపు 16 లక్షల మంది ఓటర్లు ఉన్నారు. అందులో పురుష ఓటర్లు 8,08,939 కాగా.. మహిళా ఓటర్ల సంఖ్య 8,19,064. ఈ నియోజకవర్గంలో థర్డ్ జెండర్ ఓటర్లు 50 మంది ఉన్నారు. ఈ లోక్‌సభ నియోజకవర్గంలో 7 అసెంబ్లీ స్థానాలు ఉంటాయి. అవి ఇబ్రహీంపట్నం, మునుగోడు, భోంగీర్, నక్రేకల్, తుంగతుర్తి, అలైర్, జనగాం కలిపి భోంగిర్ లోక్‌సభ నియోజకవర్గం పరిధిలోకి వస్తాయి.

2019 ఎన్నికల్లో కాంగ్రెస్ పార్టీ నుంచి కోమటి రెడ్డి వెంకట్ రెడ్డి బరిలో నిలిచి విజయం సాధించారు. బీఆర్ఎస్ నుంచి బరిలో దిగిన బుర్రా నర్సయ్య ఓటమిపాలయ్యారు. బీజేపీ నుంచి పడాల వెంకట శ్యామ్ సుందర్ రావు పోటీ చేసి ఓటమి చవిచూశారు. 2014లో బీఆర్ఎస్ నుంచిబుర్రా నర్సయ్య పోటీ చేసి ఎంపీగా విజయం సాధించారు. ఈ నియోజకవర్గం ప్రారంభంలో కాంగ్రెస్ విజయం సాధించింది. ఆ తరువాత బీఆర్ఎస్ తన ప్రభావాన్ని చూపింది. తిరిగి కాంగ్రెస్ పూర్వవైభవాన్ని సాధించింది. ఈ లోక్ సభ నియోజకవర్గం ఏర్పడిన నాటి నుంచి బీఆర్ఎస్ ఒకసారి గెలువగా.. కాంగ్రెస్ రెండు సార్లు విజయం సాధించింది. 2024లో బీజేపీ అభ్యర్థిగా బూర నర్సయ్య గౌడ్ కి టికెట్ కేటాయించింది బీజేపీ అధిష్ఠానం. అయితే రాష్ట్రంలో కాంగ్రెస్ అధికారంలో ఉండటంతో కాంగ్రెస్, బీజేపీల మధ్య హోరాహోరీ పోరు ఉండనుంది.