నల్గొండ లోక్‌సభ స్థానం (Nalgonda Lok Sabha Constituency)

తెలంగాణ రాష్ట్రంలో మొత్తం 17 లోక్‌సభ స్థానాలున్నాయి. అందులో కీలకమైన పార్లమెంట్ నియోజకవర్గాల్లో నల్గొండ ఒకటి. ఇక ఓటర్ల పరంగా చూస్తే ఈ లోక్‌సభ నియోజకవర్గంలో దాదాపు 16 లక్షల మంది ఓటర్లు ఉన్నారు. అందులో పురుష ఓటర్లు 8,08,939 కాగా.. మహిళా ఓటర్ల సంఖ్య 8,19,064 ఉన్నారు. ఈ లోక్‌సభ నియోజకవర్గంలో 7 అసెంబ్లీ స్థానాలు ఉంటాయి. అవి దేవరకొండ, నాగార్జున సాగర్, మిర్యాలగూడ, హుజూర్‌నగర్, కోదాడ, సూర్యాపేట, నల్గొండ కలిపి ఈ నల్గొండ లోక్‌సభ నియోజకవర్గం పరిధిలోకి వస్తాయి.

2019 ఎన్నికల్లో కాంగ్రెస్ నుంచి ఉత్తమ్ కుమార్ రెడ్డి బరిలో నిలిచి విజయం సాధించారు. 2009, 2014లో కాంగ్రెస్ నుంచి గుత్తా సుఖేందర్ రెడ్డి విజయం సాధించారు. ఈ నియోజకవర్గం ఏర్పడిన కొత్తలో కమ్యూనిస్టులు 6 సార్లు, కాంగ్రెస్ 7 సార్లు, తెలుగుదేశం రెండు సార్లు విజయం సాధించాయి. ఈ లోక్ సభ నియోజకవర్గం ఏర్పడిన నాటి నుంచి బీఆర్ఎస్ ఒకసారి కూడా ఖాతా తెరవలేదు. 2024 లోక్ సభ ఎన్నికలకు సంబంధించిన అభ్యర్థిని ఇంకా ప్రకటించలేదు. అయితే రాష్ట్రంలో కాంగ్రెస్ అధికారంలో ఉండటంతో కాంగ్రెస్, బీజేపీల మధ్య ఉత్కంఠభరితమైన పోరు జరుగనుంది.