కరీంనగర్‌ లోక్‌సభ ఎన్నికల ఫలితాల వార్తలు - Karimnagar Lok Sabha Constituency Election Result

తెలంగాణ రాష్ట్రంలో మొత్తం 17 లోక్‌సభ స్థానాలున్నాయి. అందులో కీలకమైన పార్లమెంట్ నియోజకవర్గాల్లో కరీంనగర్ ఒకటి. ఇక ఓటర్ల పరంగా చూస్తే ఈ లోక్‌సభ నియోజకవర్గంలో దాదాపు 17 లక్షల మంది ఓటర్లు ఉన్నట్లు తెలుస్తోంది. అందులో పురుష ఓటర్ల సంఖ్య 5,58,800 కాగా, మహిళా ఓటర్ల సంఖ్య 5,88,108. ఈ లోక్‌సభ నియోజకవర్గంలో 7 అసెంబ్లీ స్థానాలు ఉంటాయి. అవి కరీంనగర్, చొప్పదండి, వేములవాడ, సిరిసిల్ల, మాన్కొండూరు, హుజూరాబాద్, హుస్నాబాద్ అసెంబ్లీ స్థానాలు కలిపి కరీంనగర్ లోక్‌సభ నియోజకవర్గం పరిధిలోకి వస్తాయి.

2019 ఎన్నికల్లో బీజేపీ పార్టీ నుంచి బండి సంజయ్ బరిలో నిలిచి విజయం సాధించారు. బీఆర్ఎస్ నుంచి బరిలో దిగిన వినోద్ కుమార్ ఓటమిపాలయ్యారు. కాంగ్రెస్ నుంచి పొన్నం ప్రభాకర్ పోటీ చేసి ఓటమి చవిచూశారు. కరీంనగర్ లోక్‌సభ నియోజకవర్గంలో ఏడు అసెంబ్లీ స్థానాలు ఉంటాయి. 2014లో బీఆర్ఎస్ నుంచి బి. వినోద్ పోటీ చేసి ఎంపీగా విజయం సాధించారు. ఈ నియోజకవర్గం ప్రారంభంలో కాంగ్రెస్ తీవ్రమైన ప్రభావం చూపింది. ఆ తరువాత తెలుగుదేశం, బీఆర్ఎస్, బీజేపీలు వరుసగా గెలుస్తూ వస్తున్నాయి. 2024లో బీజేపీ అభ్యర్థిగా బండి సంజయ్ కి టికెట్ కేటాయించింది బీజేపీ అధిష్ఠానం. ఈసారి కూడా బీఆర్ఎస్, బీజేపీ మధ్య బలమైన పోటీ ఉంటుంది. అయితే రాష్ట్రంలో కాంగ్రెస్ అధికారంలో ఉండటంతో కాంగ్రెస్, బీజేపీల మధ్య హోరాహోరీ పోరు తలపిస్తోంది