టాలీవుడ్ సూపర్ స్టార్ మహేష్ బాబు సినిమాలతో పాటు సామాజిక సేవా కార్యక్రమాల్లోనూ ముందుంటాడు. మహేష్ బాబు ఫౌండేషన్ పేరుతో పలు మంచి పనులు చేపడుతున్నాడీ సూపర్ స్టార్. ఇందులో భాగంగా ఇప్పటివరకు వేల మంది చిన్నారులకు ప్రాణం పోశాడు మహేష్. ఆంధ్ర హాస్పిటల్స్ యాజమాన్యంతో కలిసి వారికి ఉచితంగా గుండె ఆపరేషన్లు చేయించాడు. తద్వారా పిల్లల తల్లిదండ్రుల కళ్లల్లో ఆనందాన్ని నింపాడు. ఈ క్రమంలోనే ఇటీవలే మరో చిన్నారికి ప్రాణం పోశాడీ సూపర్ స్టార్.