బ్లాక్ రైస్లో యాంటీ ఆక్సిడెంట్లు పుష్కలంగా ఉంటాయి. ఎక్కువ మోతాదులో ఆంథోనిసైనిన్స్ ఉండటం వల్ల ఇది సెల్ డ్యామేజ్ కాకుండా మన శరీరాన్ని కాపాడుతుంది.
బ్లాక్ రైస్ లో మన శరీరానికి కావలసిన విటమిన్స్, ఖనిజాలు పుష్కలంగా ఉంటాయి. ఇందులో విటమిన్ ఇ, ఐరన్, జింక్ ఉంటుంది. ఇది ఆరోగ్యానికి మాత్రమే కాదు సౌందర్యాన్నికి మంచిది.
బ్లాక్ రైస్ గుండె ఆరోగ్యానికి తోడ్పడుతుంది. చెడు కొలెస్ట్రాల్ తగ్గించేసి మంచి కొలెస్ట్రాల్ పెంచుతుంది. గుండె జబ్బుల సమస్యలు మన దరిచేరకుండా రక్షిస్తుంది.
వెయిట్ లాస్ జర్నీ లో ఉన్నవాళ్లు దీన్ని తినాలి. బ్లాక్ రైస్ తినడం వల్ల కడుపు నిండిన అనుభూతి ఎక్కువ సమయం పాటు కలుగుతుంది. తద్వారా బరువు కూడా పెరగకుండా ఉంటారు.
బ్లాక్ రైస్ జీర్ణ ఆరోగ్యానికి మేలు చేస్తుంది. జీర్ణ వ్యవస్థను బలపరిచి దీర్ఘకాలిక మలబద్ధక సమస్య రాకుండా ఆరోగ్యకరమైన పేగు బ్యాక్టీరియాకు తోడ్పడుతుంది. కంటి చూపుకు మంచిది.
బ్లాక్ రైస్లో లూటీన్, జియాంథీన్ ఉంటుంది. ఈ యాంటీ ఆక్సిడెంట్ లో వయస్సు రీత్యా వచ్చే కంటి సమస్యలకు మంచి పరిష్కారంగా పనిచేస్తుంది.
ఆరోగ్యానికి మాత్రమే కాదు అందమైన చర్మం కావాలంటే కూడా బ్లాక్ రైస్ డైట్ లో చేర్చుకోండి. ఇందులో విటమిన్ ఈ యాంటీ ఆక్సిడెంట్లు ఉంటాయి.
ఇది సన్ డ్యామేజ్ కాకుండా హానికరమైన యూవీ కిరణాలు, కాలుష్యం నుంచి మీ చర్మాన్ని కాపాడుతుంది. దీంతో ఆరోగ్యకరమైన మెరిసే స్కిన్ పొందుతారు.
బ్లాక్ రైస్ తినటం వల్ల షుగర్ స్థాయిలు కూడా అదుపులో ఉంటాయి. బ్లాక్ రైస్ రెగ్యులర్ గా తీసుకోవడం వల్ల ఇది మన శరీరానికి మంచి డిటాక్స్లా పనిచేస్తుంది.