ఫోన్లో డిలీట్ చేసిన ఫొటోలను తిరిగి ఎలా రాబట్టుకోవాలి..?
Venkatrao Lella
Images: Pinterest
01 July 2026
చాలామంది అవసరం లేదనుకుని ఫొటోలను డిలీట్ చేస్తూ ఉంటారు. ఇక పొరపాటున కూడా ఫొటోలు డిలీట్ అవుతూ ఉంటాయి. ఇలాంటి సమయంలో తిరిగి ఎలా రాబట్టుకోవాలంటే..?
చాలా ఫోన్ గ్యాలరీ యాప్లలో “ఇటీవల తొలగించినవి” లేదా “ట్రాష్” ఫోల్డర్ ఉంటుంది. దీనిలో ఇటీవల తొలగించిన ఫోటోలు, వీడియోలు 30 రోజుల పాటు నిల్వ చేసి ఉంటాయి.
గూగుల్ ఫోటోస్లో 60 రోజుల పాటు “ట్రాష్” ఫోల్డర్లో ఉంటాయి. ఈ ఫోల్డర్లకు వెళ్లడం ద్వారా మీరు తొలగించబడిన ఫోటోను కనుగొని దాన్ని పునరుద్ధరించవచ్చు.
గూగుల్ ఫోటోస్లో లైబ్రరీ > ట్రాష్కు వెళ్లి ఫోటోను ఎంచుకుని దాన్ని పునరుద్ధరించండి. దీని వల్ల ఫొటో మళ్లీ తిరిగి వస్తుంది.
ఫోటోలు “ఇటీవల తొలగించినవి” లేదా “ట్రాష్” ఫోల్డర్లో కనిపించకపోతే గూగుల్ ప్లే స్టోర్ నుండి డిస్క్డిగ్గర్ వంటి రికవరీ యాప్లను డౌన్లోడ్ చేసుకోవచ్చు
ఈ యాప్లను ఇన్స్టాల్ చేయడం ద్వారా మీరు మీ ఫోన్ స్టోరేజ్ను స్కాన్ చేసి తొలగించబడిన ఫోటోలను తిరిగి తెచ్చుకోవచ్చు. కొన్ని యాప్లకు డబ్బు చెల్లించాలి. కానీ డిస్క్డిగ్గర్ ఉచితంగా ఉపయోగించుకోవచ్చు.
ఫోటోలను తిరిగి పొందడం అనేది మీరు తొలగించిన తర్వాత ఎంత త్వరగా పునరుద్ధరణకు ప్రయత్నిస్తారు అనే దానిపై ఆధారపడి ఉంటుంది. ఫోటోను తొలగించి చాలా కాలం అయి ఉంటే తిరిగి పొందడం కష్టతరం కావచ్చు