రాత్రిపూట గోర్లను ఎందుకు కట్ చేయకూడదు.? అసలు కారణం ఏంటి.?
21July 2025
Prudvi Battula
ఏదేమైనా రాత్రిపూట మాత్రం గోర్లను అస్సలు కట్ చేయకూడదని పెద్దలు ఎప్పుడు ఎదో ఒక సందర్భంలో చెప్తూనే ఉంటారు.
అయితే ఇదొక మూడనమ్మకమని చాలా మంది లైట్ తీసుకొని రాత్రిపూట గోర్లను కట్ చేస్తుంటారు. కానీ దిని ఆధ్యాత్మిక, శాస్త్రీయ కారణం రెండూ ఉన్నాయి.
ఆధ్యాత్మికంగా చూస్తే.. సాయంత్రం పూట గోర్లను కట్ చేస్తే ఇంట్లోకి లక్ష్మీదేవి రాకకు భంగం కలుగుతుందట. సాయంత్రం పూట లక్ష్మీదేవి ఇంట్లోకి ప్రవేశిస్తుందని నమ్ముతారు.
లక్ష్మీదేవి రాకతో ఇంటికి శ్రేయస్సు, సంపదలు వస్తాయి. అలాగే రాత్రి సమయంలో గోర్లను కట్ చెయ్యడం మాత్రమే కాదు.. చెత్తను తొలగించకూడదు.
ఇలా చేస్తే లక్ష్మీదేవిని అవమానించినట్టే. దీనివల్ల ఇంట్లో ఆర్థిక ఇబ్బందులు ఎదురవుతాయని అంటున్నారు పండితులు.
అందుకే రాత్రిపూట డబ్బు అప్పు ఇవ్వడం, గోళ్లు కత్తిరించడం, జుట్టు కత్తిరించడం, చెత్త తీయడం వంటివి చేయకండి.
అలాగే భూత, ప్రేత వంటి చెడు పనులకు చేసే పూజల్లో విరిగిన గోరును వాడుతారు. కాబట్టి రాత్రిపూట గోళ్లు నేలపై పడితే చెడు శక్తులు ఇంట్లోకి ప్రవేశిస్తాయి.
అలాగే మనం అంటే గిట్టనివారు మన గోళ్లను సేకరించి మనకు హాని కలిగించడానికి వాటిని ఉపయోగిస్తారని నమ్ముతారు.