"దేవ్ భూమి ఉత్తరాఖండ్ యాత్ర" పేరుతో వైజాగ్ నుంచి 10 రాత్రులు, 11 పగళ్లుగా కొనసాగే ఓ కొత్త టూర్ ప్యాకేజీని తీసుకొచ్చింది ఐఆర్సీటీసీ.
మొదటి రోజు రాత్రి 8 గంటలకు విశాఖపట్నం రైల్వే స్టేషన్ నుంచి మొదలైన యాత్ర రెండో రోజు మొత్తం ట్రైన్లోనే సాగుతుంది.
మూడో రోజు ఉదయాన్ని తనక్పూర్లో రైలు దిగి హోటల్లో ఫ్రెష్ అయ్యి లంచ్ తర్వాత పూర్ణగిరి, శారదా రివర్ ఘాట్ చూసి నైట్ అదే హోటల్లో డిన్నర్, బస చేస్తారు.
నాలుగవ రోజు హోటల్లో బ్రేక్ఫాస్ట్ చేసి చంపావత్ వెళ్లి బాలేశ్వర్, టీ గార్డెన్స్, మాయావతి ఆశ్రమం చూసి రాత్రికి అక్కడే హోటల్లో డిన్నర్, స్టే ఉంటుంది.
ఐదవ రోజు హాత్ కాలికా టెంపుల్, పాటల్ భువనేశ్వర్ చూసి చౌకోరిలో నైట్ డిన్నర్, స్టే చేసి డే6లో జాగేశ్వర్ ధామ్, గోలు చిటై ఆలయాలు చూసి అల్మోరాలోని నైట్ ఉంటారు.
ఏడో రోజు నందాదేవి, కాసర్ దేవి, కతర్మల్ సూర్య దేవాలయం, కైంచి ధామ్, బాబా నీమ్ కరోలి టెంపుల్ దర్శనం అనంతరం భీమ్తాల్‌ చేరుకొని డిన్నర్, బస అక్కడే చేస్తారు.
డే8 విషయానికి వస్తే.. నైనాదేవి ఆలయాన్ని సందర్శిస్తారు. ఇక్కడ మీరు బోటింగ్, షాపింగ్ చేసుకోవచ్చు. అక్కడ నుంచి భీమ్‌తాల్‌కు తిరిగి వెళ్తారు. ఆ హోటల్లోనే స్టే చేస్తారు.
డే9లో నానక్మట్ట గురుద్వారా చూసి రిటర్న్ జర్నీ కోసం.. తనక్పూర్ రైల్వే స్టేషన్ చేరుకొని డిన్నర్ ముగించి తిరుగు ప్రయాణం మొదలుపెడతారు.
పదవ రోజు మొత్తం రైలు ప్రయాణం చేసి పదకొండవ రోజు విశాఖపట్నం చేరుకోవడంతో మీరు ఎంచుకొన్న టూర్ పూర్తవుతుంది.
ఈ టూర్ కోసం స్టాండర్ట్ క్లాసులో రూ. 30,925, డీలక్స్ క్లాసులో రూ.38,535 ఛార్జ్ చేస్తున్నారు. ఇది డిసెంబర్ 16వ తేదీన అందుబాటులో ఉంది.