ఉల్లిపాయలు ఎక్కువ రోజులు ఫ్రెష్‌గా ఉండాలంటే.. ఈ టిప్స్ పాటించండి!

ఉల్లిపాయలకు మంచి గాలి ప్రసరణ అవసరం. అందుకే చల్లగా, పొడిగా, గాలి బాగా వచ్చే ప్రదేశంలో నిల్వ చేయడం మంచిది. లేకుంటే ఉల్లిపాయలు చెడిపోయే అవకాశం ఉంది.

మొత్తం ఉల్లిపాయలను ఫ్రిజ్‌లో నిల్వ చేయడం మంచిది కాదు. ఫ్రిజ్‌లోని తేమ కారణంగా త్వరగా మెత్తబడి పాడయ్యే అవకాశం ఉంటుంది. అందుకే ఫ్రిజ్‌లో పెట్టకూడదు.

ఉల్లిపాయలు, బంగాళదుంపలను ఒకే చోట నిల్వ చేయడం మంచిది కాదు. బంగాళదుంపల నుంచి వచ్చే వాయువులు ఉల్లిపాయలు త్వరగా పాడయ్యేలా చేయవచ్చు.

సగం కోసిన ఉల్లిపాయను బయట అలాగే ఉంచితే బ్యాక్టీరియా చేరే అవకాశం ఉంటుంది. అందుకే దాన్ని వెంటనే సరిగ్గా ప్యాక్ చేయడం ఉత్తమమని నిపుణులు సూచిస్తున్నారు.

పొడి, గాలి ప్రసరణ ఉన్న ప్రదేశంలో మొత్తం ఉల్లిపాయలను ఉంచండి. కట్ చేసిన ఉల్లిపాయలను మాత్రం బాగా కవర్ చేసి ఫ్రిజ్‌లో పెట్టండి. ఇలా చేస్తే ఉల్లిపాయలను మరింత సరిగ్గా నిల్వ చేసుకోవచ్చు.