జీడిపప్పు ఒక రుచికరమైన, పోషకమైన ఆహారం. ఇందులో ప్రోటీన్, ఆరోగ్యకరమైన కొవ్వులు, ఫైబర్, విటమిన్లు (E, K, B6), ఖనిజాలు, యాంటీఆక్సిడెంట్లు పుష్కలంగా ఉంటాయి.
జీడిపప్పులో మోనోఅన్శాచురేటెడ్ కొవ్వులు ఉంటాయి, ఇవి చెడు కొలెస్ట్రాల్ను తగ్గించి, మంచి కొలెస్ట్రాల్ను పెంచడానికి సహాయపడతాయి. ఇది గుండె జబ్బుల ప్రమాదాన్ని తగ్గిస్తుంది.
జీడిపప్పులో ఫైబర్, ప్రోటీన్ పుష్కలంగా ఉంటాయి. ఇవి త్వరగా కడుపు నిండినట్లు అనిపించేలా చేస్తాయి. ఇది బరువు నిర్వహణకు సహాయపడుతుంది. త్వరగా బరువు తగ్గేలా చేస్తుంది.
జీడిపప్పు రక్తంలో చక్కెర స్థాయిలను నియంత్రించడంలో సహాయపడుతుంది. ఇది మధుమేహం ఉన్నవారికి చాలా ఉపయోగకరంగా ఉంటుంది. ఎముకల ఆరోగ్యానికి కూడా మేలు చేస్తుంది.
జీడిపప్పులో యాంటీఆక్సిడెంట్లు ఉంటాయి, ఇవి చర్మం, జుట్టును ఆరోగ్యంగా ఉంచడానికి సహాయపడతాయి.
జీడిపప్పులో సమృద్ధిగా లభించే మెగ్నీషియం, కాల్షియం ఎముకలను దృఢంగా ఉంచడానికి సహాయపడతాయి. బోలు ఎముకల వ్యాధిని దరిచేరకుండా చేస్తుంది.
జీడిపప్పులో ప్రోటీన్ మెండుగా ఉంటుంది. ఇది కండరాల బలం పెంచుతుంది. కండరాలు పట్టేయడం, తిమ్మిర్లు వంటి సమస్యలు రాకుండా చూస్తుంది.
జీడిపప్పులో యాంటీ ఆక్సిడెంట్లు ఉంటాయి. ఇవి కంటిచూపును మెరుగుపరుస్తాయి. కంటి సంబంధ సమస్యలు రాకుండా కాపాడుతాయి.