ఆలుగడ్డ, చామ, కంద... ఇలా దుంపలన్నింటిలో పోషకాల్లో మొదటిస్థానంలో ఉండేది చిలగడదుంప. ఎందుకో తెలియదు కానీ... చిలగడ దుంప మీద కాస్త చిన్నచూపే
TV9 Telugu
ఆలూలా ఇది అందరి ఫేవరెట్ ఫుడ్ కాలేకపోయింది. పిండి పదార్థాలు ఎక్కువగా ఉంటాయనే కారణంతో దుంపల్నే పక్కకు పెట్టేవాళ్లు- తియ్యగా ఉండే ఈ గడ్డలతో ఆరోగ్యానికి మరింత చేటని చెబుతూ వీటిని అసలే ముట్టుకోరు
TV9 Telugu
కానీ మీకు తెలుసా... పిల్లల ఎదుగుదల దగ్గర్నుంచీ పెద్దల ఆరోగ్య సమస్యల్ని తగ్గించడం వరకూ దీని పాత్ర ఎంతో ఉందనీ! అప్పుడప్పుడైనా దీన్ని తినడంవల్ల శరీరానికి కావాల్సిన పోషకాలెన్నో అందుతాయనీ
TV9 Telugu
గెనుసుగడ్డలూ, రత్నపురి గడ్డలూ... ఇలా మన దగ్గర ప్రాంతాన్ని బట్టి రకరకాల పేర్లతో పిలిచే ఈ తియ్యటి దుంపలు ప్రపంచవ్యాప్తంగా దొరుకుతాయి. దాదాపు అయిదు వేల సంవత్సరాల క్రితం నుంచీ పరిచయం ఉన్న ఈ చిలగడ దుంపల్ని- బడ్జెట్లో అందుబాటులో ఉండే సూపర్ఫుడ్ అని అంటారు
TV9 Telugu
ఎందుకంటే ఇందులో పోషకాలు దండిగా ఉంటాయి. దీని ద్వారా శరీరానికి ఎన్నో ఖనిజాలూ, విటమిన్లూ అందుతాయి. ముఖ్యంగా బీటా కెరొటిన్, విటమిన్ ఎ, సి, ఈ, బి-6, పొటాషియం, పీచు ఎక్కువగా లభిస్తాయి
TV9 Telugu
పిల్లలకు సీజనల్గా వచ్చే దగ్గూ, జలుబుల్లాంటి అనారోగ్య సమస్యల్ని దరిచేరనివ్వదు. రోజూ ఒక దుంప తినిపించడం వల్ల పిల్లల శారీరక, మానసిక ఎదుగుదల బాగుంటుంది. పొట్ట ఆరోగ్యానికి ఈ దుంపలోని పీచు ఎంతగానో ఉపయోగపడుతుంది
TV9 Telugu
ఆహారాన్ని త్వరగా జీర్ణం చేయడంతోపాటు, మలబద్ధకాన్ని తగ్గిస్తుంది. చిలగడ దుంప కండరాల కదలికలకీ, ఎముకల బలానికీ సాయపడుతుందట. దుంపల జోలికే వెళ్లరు మధుమేహులు. కానీ గ్లైసమిక్ ఇండెక్స్ తక్కువగా ఉండే ఈ తీపి గడ్డని హాయిగా తినొచ్చు
TV9 Telugu
రక్తంలో చక్కెర స్థాయుల్ని క్రమబద్ధం చేస్తూ పీచును అందిస్తుంది కాబట్టి దీంతో ఎలాంటి ఇబ్బందీ ఉండదట. క్యాన్సర్లను తిప్పి కొట్టే యాంటీ ఆక్సిడెంట్లు దీంట్లో ఎక్కువే. ఊదా రంగులోని దుంపలో ఇవి పుష్కలంగా ఉంటాయి. ఇంకా ఇది దీర్ఘకాలిక వ్యాధుల్ని అరికడుతుంది కూడా