రైలులో ఇచ్చే ఆహారం రుచిగా ఎందుకు అనిపించదు? అసలు కారణాలు ఇవే

రైలు ప్రయాణంలో వచ్చే నిరంతర ఖడఖడ శబ్దాలు మన మెదడును ప్రభావితం చేస్తాయి. శాస్త్రీయ పరిశోధనల ప్రకారం, ఎక్కువ శబ్దం ఉన్న వాతావరణంలో తీపి, ఉప్పు రుచులను గుర్తించే సామర్థ్యం 15% వరకు తగ్గుతుంది.

రైల్వే బేస్ కిచెన్లలో ప్రతిరోజూ వేలాది మంది ప్రయాణికుల కోసం ఒకేసారి భారీ పరిమాణంలో ఆహారాన్ని తయారు చేస్తారు. ఇలా ఇంట్లో వండినట్లుగా ప్రతి వంటకంపై ప్రత్యేక శ్రద్ధ పెట్టకపోవడం రుచి రాదు.

ఆహారాన్ని చాలా గంటల ముందే బేస్ కిచెన్లలో వండేస్తారు. మీకు ఇచ్చే ముందు దానిని కేవలం రీ-హీట్ చేస్తారు. ఆహారాన్ని పదే పదే వేడి చేయడం వల్ల అందులోని సహజ తేమ, అసలైన ఫ్లేవర్ ఆవిరైపోతాయి.

అలాగే ఎక్కువ సమయం ప్యాకింగ్‌లో ఉండటం వల్ల ఆ రసాయనాలు, మసాలాలు విచిత్రమైన లేదా కృత్రిమమైన రుచిని ఇస్తాయి తప్ప సహజ రుచిని ఇవ్వవంటున్నారు నిపుణులు.

రైలు ప్రయాణంలో ఆహారం బాగా రుచించాలంటే.. పండ్ల ముక్కలు, నిమ్మరసం పిండిన వంటకాలు, లేదా కాస్త ఘాటైన చట్నీలు/ఊరగాయలు వంటివి వెంట తెచ్చుకోవడం మంచిది.