11 May, 2025
Subhash
దేశీయ బీమా దిగ్గజం లైఫ్‌ ఇన్సూరెన్స్‌ కార్పొరేషన్‌ పాలసీ (ఎల్‌ఐసీ) వినియోగదారుల కోసం మరో కీలక నిర్ణయం తీసుకుంది.
ఆన్‌లైన్‌ సేవలను మరింత విసృత పరచడంలో భాగంగా వాట్సాప్‌లో ప్రీమియం చెల్లింపులను జరిపేవిధంగా ‘వాట్సాప్‌ బోట్‌’ సేవలను ఆవిష్కరించింది.
దీంతో వినియోగదారులకు మరింత సౌకర్యంగా చెల్లింపులు చర్యలు చేపట్టింది. దీని వల్ల వినియోగదారులకు మరింత మేలు జరుగనుంది.
ఎల్‌ఐసీ కస్టమర్లు తమ ప్రీమియం చెల్లింపులు జరిపేందుకు మరో ప్రత్యామ్నాయం లభించినట్టు అయింది.
పోర్టల్‌లో రిజిస్టర్‌ కస్టమర్‌ నుంచి 8976862090కి వాట్సప్‌ ద్వారా సమాచారం ఇస్తే ఆ పాలసీదారుడికి సంబంధించి మొత్తం వివరాలు వెంటనే రానున్నాయని ఎల్‌ఐసీ తెలిపింది.
ఇలా వచ్చిన వివరాల ఆధారంగా యూపీఐ/నెట్‌బ్యాంకింగ్‌/కార్డు ద్వారా ప్రీమియం చెల్లింపులు జరుపుకోవచ్చునని కంపెనీ సీఈవో, ఎండీ సిద్దార్థ మోహంతీ తెలిపారు.
పాలసీదారుడు ఏ సమయంలోనైనా, ఎక్కడి నుంచైనా తమ ప్రీమియం చెల్లింపులు జరుపుకోవచ్చని సీఈవో, ఎండీ సిద్దార్థ మోహంతీ తెలిపారు.
ప్రస్తుతం ఎల్‌ఐసీ కస్టమర్‌ పోర్టల్‌లో 2.2 కోట్ల మంది రిజిస్టర్‌ పాలసీదారులు ఉండగా, వీరిలో ప్రతీరోజు 3 లక్షల మంది లాగింగ్‌ అవుతున్నారు.