దసరా సెలవులపై తెలంగాణ ప్రభుత్వం కీలక నిర్ణయం.. ఉత్తర్వులు జారీ

తెలంగాణలో విద్యార్థులకు సెలవులు వస్తున్నాయంటే చాలు ఎగిరి గంతులేస్తారు. సెలవుల్లో ఎంజాయ్‌ చేసేందుకు సిద్ధమవుతుంటారు.

గత నెల ఆగస్ట్‌లో విద్యా సంస్థలకు చాలా సెలవులు వచ్చాయి. వివిధ పండగలు, ఇతర సందర్భాలలో సెలవులు వచ్చాయి.

ఇప్పటికే తెలంగాణ సర్కార్ ఈ సెలవుల గురించి  ప్రకటించింది. అయితే ఆ సమయం కోసం విద్యార్థులు ఎంతగానో ఎదురు చూస్తున్నారు.

ఈ నేపథ్యంలో తెలంగాణలో దసరా సెలవులను రాష్ట్ర ప్రభుత్వం ప్రకటించింది. సెప్టెంబర్‌ 21 నుంచి అక్టోబర్‌ 3 వరకు పాఠశాలలకు సెలవులు ప్రకటించింది.

ఇక సెప్టెంబర్‌ 28 నుంచి అక్టోబర్‌ 5 వరకు జూనియర్ కళాశాలలకు సెలవులు ప్రకటించింది ప్రభుత్వం. ఈమేరకు రాష్ట్ర ప్రభుత్వం ఉత్తర్వులు జారీ చేసింది.

ఇప్పటికే దసరాకు సొంతూళ్లకు వెళ్లేందుకు విద్యార్థులు సిద్దమవుతున్నారు. ఎప్పుడెప్పుడు సెలవులు వస్తాయా అని ఎదురుచూస్తున్నారు.