ఏ ఆహార పదార్థాలు తిరిగి వేడి చేయడం ప్రమాదకరమో తెలుసా..?

చాలామంది ఉదయం వండిన ఆహారాన్ని రాత్రి లేదా మరుసటి రోజు వేడి చేసుకుని తింటారు. అయితే కొన్ని ఆహారాలను సరిగ్గా నిల్వ చేయకపోతే ఫుడ్ పాయిజనింగ్ ప్రమాదం.

వండిన అన్నాన్ని ఎక్కువసేపు బయట ఉంచితే బాసిల్లస్ సెరియస్ అనే బ్యాక్టీరియా పెరిగే ప్రమాదం ఉంది. మళ్లీ వేడి చేసినా కొన్ని విషపదార్థాలు నశించకపోవచ్చు. అందుకే త్వరగా ఫ్రిజ్‌లో పెట్టాలి.

పాలకూర, మెంతికూర వంటి ఆకుకూరలను సరిగ్గా నిల్వ చేయకపోతే బ్యాక్టీరియా పెరిగే అవకాశం ఉంది. పదేపదే వేడి చేయడం కంటే అవసరమైనంత మాత్రమే వండుకోవడం మంచిది.

మష్రూమ్స్‌తో చేసిన వంటకాలను ఎక్కువసేపు బయట ఉంచితే త్వరగా పాడయ్యే అవకాశం ఉంది. మిగిలిన వాటిని వెంటనే ఫ్రిజ్‌లో పెట్టి, తినే ముందు పూర్తిగా వేడి చేయాలి.

చికెన్ వంటకాలను గది ఉష్ణోగ్రత వద్ద ఎక్కువసేపు ఉంచకూడదు. మళ్లీ తినేటప్పుడు లోపలి వరకు బాగా వేడయ్యేలా చూడాలి. మొత్తం పాత్రను పదేపదే వేడి చేయకుండా అవసరమైనంత మాత్రమే తీసుకోవాలి.

ఉడికించిన గుడ్లు, ఆమ్లెట్, ఎగ్ కర్రీలను ఎక్కువసేపు బయట ఉంచడం మంచిది కాదు. మిగిలిన వాటిని త్వరగా ఫ్రిజ్‌లో పెట్టి, తినే ముందు తగినంత వేడి చేయాలి.