ఓరీ దేవుడో.. వండే ముందు పచ్చి చికెన్‌ను కడిగితే డేంజరా..? నిపుణులు చెప్పేది తెలిస్తే...
Jyothi Gadda
16 october 2026
చికెన్‌ను వండే ముందు కడగడం వల్ల దానిపై ఉండే బ్యాక్టీరియా చుట్టుపక్కల ఉన్న వస్తువులు, కూరగాయలపై వ్యాపించి తీవ్రమైన ఆరోగ్య సమస్యలకు దారితీసే అవకాశం ఎక్కువగా ఉంటుంది.
పచ్చి కోడి మాంసంలో క్యాంపైలోబాక్టర్ వంటి ప్రమాదకరమైన బ్యాక్టీరియా ఉంటుంది. ఇది నీటి ద్వారా ఇళ్లలోని ఇతర ప్రాంతాలకు సులభంగా వ్యాపించే ప్రమాదం ఉంది.
మార్కెట్లో లభించే ప్యాక్ చేసిన చికెన్‌ను ఇప్పటికే ప్రాసెస్ చేసి శుభ్రం చేస్తారు కాబట్టి, దానిని మళ్లీ ఇంట్లో కడగాల్సిన అవసరం అసలు ఉండదని నిపుణులు చెబుతున్నారు.
చికెన్ కడిగే నీటి బిందువులు చేతులు, వంటగది సింక్, పాత్రల మీద పడినప్పుడు అనారోగ్యాలు కలిగించే హానికరమైన క్రిములు ఇళ్లంతా విస్తరించే ప్రమాదం తీవ్రంగా పెరుగుతుంది.
హై టెంపరేచర్ వద్ద చికెన్‌ను ఉడికించడం లేదా వేయించడం ద్వారా అందులోని బ్యాక్టీరియా పూర్తిగా నశించిపోతుంది. కాబట్టి వండటమే సురక్షితమైన మార్గమని వైద్యులు సూచిస్తున్నారు.
ఒకవేళ చికెన్‌ను కడగడం తప్పనిసరి అనుకుంటే, సింక్ చుట్టూ ఉన్న ప్రదేశాన్ని శుభ్రంగా కీమో-క్లీనర్స్ తో శానిటైజ్ చేయడం చాలా అత్యవసరమని నిపుణులు హెచ్చరిస్తున్నారు.
పచ్చి మాంసాన్ని తాకిన చేతులతో ఇతర ఆహార పదార్థాలను ముట్టకూడదు, వెంటనే సబ్బుతో చేతులను శుభ్రంగా కడుక్కోవడం ద్వారా ఇన్ఫెక్షన్లను నివారించవచ్చు.
చికెన్‌ను నిల్వ చేసే విధానంలోనూ, వండే సమయంలోనూ పరిశుభ్రతా ప్రమాదాలను పాటించడం ద్వారా కుటుంబ సభ్యులను ఫుడ్ పాయిజనింగ్ బారిన పడకుండా కాపాడుకోవచ్చు.