తెల్ల గుడ్డు వర్సెస్ బ్రౌన్ గుడ్డు: ఏది ఆరోగ్యానికి మంచిది?
28-06-2026
Pic credit - Instagram
Phani Ch
మార్కెట్లో లభించే కోడిగుడ్లలో తెల్ల రంగు గుడ్డు మంచిదా లేక గోధుమ రంగు (బ్రౌన్) గుడ్డు మంచిదా? చాలా మంది బ్రౌన్ గుడ్డులోనే ఎక్కువ పోషకాలు ఉంటాయని అనుకుంటారు. అసలు నిజమేంటో ఇప్పుడు తెలుసుకుందాం!
కోడిగుడ్డు పెంకు రంగు అనేది పూర్తిగా ఆ కోడి జాతిపై ఆధారపడి ఉంటుందని నిపుణులు చెబుతున్నారు. సాధారణంగా తెల్లటి ఈకలు, తెల్లటి చెవులు కలిగిన కోళ్ళు తెల్లటి రంగులో ఉండే గుడ్లను పెడతాయి.
అలాగే, ఎరుపు రంగు ఈకలు మరియు ఎరుపు రంగు చెవులు కలిగిన కోళ్ళ జాతి గోధుమ రంగు (బ్రౌన్) గుడ్లను పెడతాయి. గుడ్డు పెంకు రంగు మారడం అనేది పూర్తిగా జన్యుపరమైన ప్రక్రియ మాత్రమే.
నిపుణుల పరిశోధనల ప్రకారం, గుడ్డు లోపల పెంకు ఏర్పడే సమయంలో 'ప్రోటోపోర్ఫిరిన్' అనే పదార్థం కలవడం వల్ల గుడ్డు పెంకు గోధుమ రంగులోకి మారుతుంది. దీనివల్ల లోపలి పోషకాల్లో మార్పు రాదు.
గోధుమ రంగు గుడ్లలో ఎక్కువ పోషకాలు ఉంటాయనేది ఒక అపోహ మాత్రమే. అమెరికా వ్యవసాయ శాఖ (USDA) ప్రకారం తెల్లటి మరియు బ్రౌన్ గుడ్ల మధ్య పోషక విలువలలో ఎలాంటి పెద్ద తేడాలు లేవు.
ఈ రెండు రకాల గుడ్లలోనూ దాదాపు ఒకే మొత్తంలో ప్రోటీన్లు, విటమిన్లు (ముఖ్యంగా విటమిన్ ఎ, డి, బి12) మరియు శరీరానికి అవసరమైన ఖనిజాలు పుష్కలంగా లభిస్తాయని వైద్య నిపుణులు స్పష్టం చేస్తున్నారు.
గుడ్ల పరిమాణాన్ని బట్టి అందులోని క్యాలరీలు మారుతుంటాయి. పెద్ద గుడ్డులో 90 క్యాలరీలు, 8 గ్రాముల ప్రోటీన్ ఉంటే, మధ్యస్థ గుడ్డులో 60 క్యాలరీలు, 6 గ్రాముల ప్రోటీన్ వరకు అందుతాయి.
అయితే బ్రౌన్ గుడ్లు పెట్టే కోళ్ళు పరిమాణంలో పెద్దవి కావడం వల్ల వాటికి ఎక్కువ ఆహారం అవసరమవుతుంది. అందువల్ల వాటి ఉత్పత్తి ఖర్చు పెరిగి, మార్కెట్లో బ్రౌన్ గుడ్ల ధర కాస్త ఎక్కువగా ఉంటుంది.