ఉల్లికాడల గురించి తెలియని వారుండరు. వీటిని వంటల్లో వాడటం వల్ల ప్రత్యేక రుచి వస్తుంది. అయితే ఉల్లి కాడలు వాడినట్లుగా.. వెల్లుల్లి కాడలను వంటల్లో వాడరు
TV9 Telugu
పైగా వెల్లుల్లిపాయలు మొలకెత్తితే పాడైపోయాయని వృద్ధాగా పారేస్తుంటారు. ఉల్లి కాడల మాదిరి మొలకెత్తిన వెల్లుల్లి తినొచ్చా.. ఒక వేళ తింటే ఏమవుతుంది? వంటి సందేహాలు మనలో చాలా మందికి ఉంటాయి
TV9 Telugu
నిజానికి వెల్లుల్లి కాడల వల్ల కూడా అనేక ఆరోగ్య ప్రయోజనాలు ఉంటాయని నిపుణులు చెబుతున్నారు. సాధారణ వెల్లుల్లితో పోలిస్తే.. మొలకెత్తిన వెల్లుల్లిలో యాంటి ఆక్సిడెంట్ స్థాయులు అధికంగా ఉంటాయిట
TV9 Telugu
ఇవి శరీరంలోని ఫ్రీరాడికల్స్తో పోరాడి, కణాల నాశనాన్ని అరికడుతాయి. వృద్ధాప్య ఛాయలు రాకుండా చేస్తాయి. వెల్లుల్లి మొలకెత్తినప్పుడు అందులోని ఎంజైమ్ల చర్య పెరుగుతుంది
TV9 Telugu
ఇది రక్తనాళాల్లో పూడికలు ఏర్పడకుండా నిరోధిస్తుంది. తద్వారా గుండెపోటు, బ్రెయిన్ స్ట్రోక్ ప్రమాదాన్ని గణనీయంగా తగ్గిస్తుంది. ఇక ఇందులోని సల్ఫర్ సమ్మేళనాలు రోగనిరోధక వ్యవస్థను బలోపేతం చేస్తాయి
TV9 Telugu
జలుబు, దగ్గు వంటి సీజనల్ వ్యాధుల నుంచి రక్షణ కల్పిస్తాయి. మొలకెత్తిన వెల్లుల్లిలో క్యాన్సర్ కణాలతో పోరాడే గుణాలు గరిష్ఠ స్థాయిలో ఉంటాయని పలు పరిశోధనలు చెబుతున్నాయి
TV9 Telugu
అధిక రక్తపోటు బాధితులకూ ఇవి ఎంతో మేలు చేస్తాయి. బీపీని తగ్గించడంలో సహజ ఔషధంలా పనిచేస్తాయి. రక్త ప్రసరణను మెరుగుపరిచి, రక్తపోటును అదుపులో ఉంచుతాయి
TV9 Telugu
అందుకే మొలకెత్తిన వెల్లుల్లిని పారేయకుండా ఆహారంలో భాగం చేసుకోవడం మంచిదని నిపుణులు సలహా ఇస్తున్నారు. అయితే, వెల్లుల్లి తాజాగా ఉండి మొలకలు వస్తేనే ఆరోగ్యానికి మంచిది