డయాబెటిస్ వచ్చినవారికి ఈ కూరగాయ సంజీవని.. రోజూ తింటే..
28 September 2025
Ravi Kiran
ఏడాది పొడవునా లభించే ఈ దొండకాయలో శరీరానికి అవసరమయ్యే లక్షణాలు ఎన్నో ఉన్నాయి. కొన్ని ప్రాంతాల్లో దీనిని టిండోరా అని అంటారు
దొండకాయ ఆరోగ్యానికి మంచిది మాత్రమే కాదు.. శరీరంలో అలసట, బలహీనతను తగ్గిస్తుంది. మహిళలకు గుండెను ఆరోగ్యంగా ఉంచడంలో సహాయపడుతుంది.
దొండకాయలో ఉండే యాంటీ ఆక్సిడెంట్స్, విటమిన్ సి వంటి పోషకాలు శరీరంలో రోగనిరోధక శక్తిని పెంపొందిస్తుంది.
ఇక దొండకాయ తింటే మతిమరుపు వస్తుందని చాలామంది చెబుతుంటారు. ఇందులో ఎలాంటి వాస్తవం లేదని పోషకాహార నిపుణులు అంటున్నారు.
డయాబెటిక్ పేషెంట్స్ దొండకాయ తినొచ్చు. అది కూడా మితంగా తినాలి. ఇవి తినడం వల్ల రక్తంలో షుగర్ లెవెల్స్ తగ్గుతాయి.
దొండకాయలో ఉండే ఫైబర్, యాంటీఆక్సిడెంట్స్ గ్లూకోజ్ని శరీరం నెమ్మదిగా గ్రహించేలా చేస్తాయి. ఇన్సులిన్ సెన్సిటివిటీని పెంచి, రక్తంలో షుగర్ లెవెల్స్ని తగ్గిస్తుంది.
దొండకాయలో పీచు ఎక్కువగా ఉంటుంది. ఫైబర్ అధికంగా ఉండే ఈ ఆహారం జీర్ణవ్యవస్థకు చాలా ఉపయోగకరంగా ఉంటుంది.
ఈ కూరగాయ పరిమాణంలో చిన్నది. ఇందులో ఫ్లేవనాయిడ్స్ ఉంటాయి. ఇవి యాంటీ ఇన్ఫ్లమేటరీ, యాంటీ ఆక్సిడెంట్ లక్షణాలను కలిగి ఉంటాయి.