17 ఏళ్ల తర్వాత ఆ స్టార్ హీరో తో చిందేయనున్న నయనతార
Phani CH
07 December 2024
లేడి సూపర్ స్టార్ నయనతార తెలుగు ప్రేక్షకులకు ప్రత్యేక పరిచయం అవసరం లేదు.. తన నటనతో ప్రేక్షకుల మనస్సులో చెరిగిపోని ముద్ర వేసుకుంది.
2003లో జయరాం అనే మలయాళం సినిమా ద్వారా సినీ రంగ ప్రవేశం చేయగా.. 2005 లో విడుదలైన 'లక్ష్మి' సినిమా ద్వారా తెలుగు తెరకు పరిచయమైంది.
హీరోయిన్‌కు ఇండస్ట్రీలో చాలా తక్కువ సవత్సరాలే అవకాశాలు దొరుకుతాయి అలాంటిది 20 ఏళ్లుగా ఇండస్ట్రీలో తిరుగులేని లేడీ సూపర్ స్టార్‌గా వెలిగిపోతోంది నయనతార.
ఇది ఇలా ఉంటే రెబల్ స్టార్ ప్రభాస్, దర్శకుడు మారుతి కాంబినేషన్లో 'ది రాజా సాబ్' సినిమా తెరకెక్కుతున్న సంగతి తెలిసిందే. ఈ చిత్రం పాన్ ఇండియా స్థాయిలో విడుదలవుతోంది.
నిధి అగర్వాల్, మాళవిక మోహనన్ లు ఈ చిత్రంలో ప్రభాస్ సరసన నటిస్తున్నారు. ఈ చిత్రం వేగంగా షూటింగ్ జరుపుకుంటోంది.
మరోవైపు ఈ చిత్రానికి సంబంధించి ఓ ఆసక్తికర వార్త చక్కర్లు కొడుతోంది. ఈ సినిమాలో ప్రభాస్ తో కలిసి నయనతార ఒక ప్రత్యేక పాటలో ఆడిపాడనున్నట్టు సమాచారం.
ఇప్పటికే ఆమెతో సంప్రదింపులు జరిపారని...ఆమె ఓకే చెప్పారని తెలిసింది. ఈ నెలాఖరులో పాటను చిత్రీకరించే అవకాశం ఉంది.