20 January 2025
Subhash
అందరికీ ఇప్పుడు క్రెడిట్ స్కోర్, క్రెడిట్ హిస్టరీలు కీలకమైపోయాయి. పర్సనల్ బ్యాంకింగ్ రంగంలో ప్రస్తుతం ఈ రెండింటి ఆధారంగానే మెజారిటీ లావాదేవీలు.
మీరెక్కడా ఇప్పటిదాకా రుణాలు తీసుకోకుంటే మీకు రుణ చరిత్రే (క్రెడిట్ హిస్టరీ) ఉండదు. రుణ ఎగవేతలున్నా క్రెడిట్ స్కోర్ బాగుండదు.
అప్పుడు మీ లోన్ అప్లికేషన్లు, మీరు పెట్టుకున్న క్రెడిట్ కార్డ్ విజ్ఞప్తులు తప్పకుండా తిరస్కరణకు గురవుతాయి. మరి అలాంటప్పుడు ఏం చేయాలి?
క్రెడిట్ స్కోర్ బాగాలేనివారి ఆర్థిక అవసరాలకు సెక్యూర్డ్ క్రెడిట్ కార్డులు. క్రెడిట్ స్కోర్లతో సంబంధం లేకుండా సెక్యూర్డ్ క్రెడిట్ కార్డుల జారీ. ఇవి నగదు పూచీకత్తుపైనే జారీ చేస్తారు.
సహజంగా క్రెడిట్ కార్డు బకాయిల చెల్లింపుల్లో ఎగవేతలకు ఆస్కారమున్నప్పుడు బ్యాంకర్లు తమ రక్షణార్థం వీటిని కస్టమర్లకు ఇస్తూంటారు.
కస్టమర్లు క్రెడిట్ కార్డు బిల్లులను చెల్లించలేకపోయినా బ్యాంకులకు నష్టం వాటిల్లదు. కార్డు కోసం పూచీకత్తుగా పెట్టిన నగదును ఆ బకాయిల కింద జమ చేసుకునే వెసులుబాటు ఉండటమే కారణం.
ఇలాంటి కస్టమర్ల విషయంలో బ్యాంకులు సేఫ్ జోన్లో ఉన్నట్టే. ఇక కార్డు పరిమితి రూ.50,000 కావాలనుకుంటే, అంతే మొత్తాన్ని డిపాజిట్ చేయాల్సి ఉంటుంది.
రూ.3 లక్షలు లేదా రూ.5 లక్షలు కావాలన్నా.. అంతే మొత్తాలు డిపాజిట్ చేయాలి. ఒక్కమాటలో చెప్పాలంటే మీరు చేసే డిపాజిట్లనుబట్టే మీరు పొందే క్రెడిట్ కార్డుకున్న రుణ పరిమితులు ఆధారపడి ఉంటాయి.