మొబైల్‌ యూజర్లకు మరో సరికొత్త ప్లాన్‌.. జియోలో రూ.10వేల ప్లాన్‌

రిలయన్స్ జియో వినియోగదారుల కోసం సరికొత్త దీర్ఘకాలిక ప్రీపెయిడ్ రీఛార్జ్ ప్లాన్‌ను అందుబాటులోకి తీసుకొచ్చింది. 

రూ.10,000 ధరతో ఏకంగా మూడేళ్ల వ్యాలిడిటీని అందించే ఈ ప్లాన్‌లో అపరిమిత వాయిస్ కాల్స్, రోజుకు 2.5GB హైస్పీడ్ డేటా పొందవచ్చు.

అలాగే ఈ రీఛార్జ్‌లో అపరిమిత 5G డేటాతో పాటు పలు డిజిటల్ సేవలను పొందవచ్చు. తరచూ రీఛార్జ్ చేసుకునే ఇబ్బంది లేకుండా ఈ ప్లాన్‌ ఉంటుంది.

ఈ ప్లాన్ ఒకేసారి రూ.10,000 చెల్లిస్తే మూడేళ్లపాటు రీఛార్జ్ చేసుకోవాల్సిన అవసరం ఉండదు. రోజువారీ ఖర్చును లెక్కిస్తే సుమారు రూ.9.13 మాత్రమే.

JioHotstar Mobile + Hollywood: లైవ్ స్పోర్ట్స్, ఒరిజినల్ షోలు, ప్రీమియం కార్యక్రమాలు, హాలీవుడ్ సినిమాలను వీక్షించే అవకాశం ఉంటుంది.

డిజైన్ల కోసం అవసరమైన టెంప్లేట్లు, క్రియేటివ్ టూల్స్, ఇతర ప్రొడక్టివిటీ ఫీచర్లతో కూడిన Canva Pro Lite సబ్‌స్క్రిప్షన్ 12 నెలలపాటు లభిస్తుంది.

JioAICloud: ఫొటోలు, వీడియోలు, డాక్యుమెంట్లు, ఇతర డిజిటల్ ఫైళ్లను భద్రపరుచుకోవడానికి 50GB క్లౌడ్ స్టోరేజ్ ఉచితంగా అందిస్తారు.