27 September, 2025
Subhash
ఆధార్ కార్డ్ హోల్డర్లు వారి ఆధార్ కార్డును వాట్సాప్ ద్వారా డౌన్లోడ్ చేసుకోవడానికి కూడా కొత్త సర్వీస్ అందించింది UIDAI.
దీనికోసం మీరు మీ ఆధార్ను DigiLocker తో లింక్ చేసి ఉండాలి. ఇలా ఎందుకు చేయాలంటే, వాట్సాప్ సర్వీస్లో ఆధార్ కార్డ్ డౌన్లోడ్ చేయడానికి ఇది డిజిలాకర్ సర్వీస్ను ఉపయోగిస్తుంది.
ముందుగా మీ వాట్సాప్ చాట్లోకి వెళ్లి MyGov హెల్ప్ డెస్క్ నెంబర్ +91 9013151515 నెంబర్ను సేవ్ చేసుకోండి.
తర్వాత ఈ నెంబర్ చాట్ బాక్స్ ఓపెన్ చేసి ‘Hi’ అని మెసేజ్ పెట్టండి. మీరు మెసేజ్ పెట్టగానే సర్వీస్ లిస్ట్ ఓపెన్ అవుతుంది.
ఇందులో మీరు DigiLockerను ఎంచుకోండి. ఇక్కడ మీ ఆధార్ నెంబర్ అడుగుతుంది. ఈ బాక్స్లో మీ 12 అంకెల ఆధార్ కార్డ్ నెంబర్ ఎంటర్ చేయండి.
మీ ఆధార్ నెంబర్ ఎంటర్ చేసి సబ్మిట్ చేయగానే మీ రిజిస్టర్డ్ మొబైల్ నెంబర్ కి OTP అందిస్తుంది. ఈ OTP నెంబర్ ను ఎంటర్ చేసి సబ్మిట్ చేయండి.
దీంతో మీ ఆధార్ డౌన్లోడ్ అవుతుంది.ఇది చాలా సింపుల్, సురక్షితంగా ఉంటుంది. మీరు ఎప్పుడైనా ఎక్కడైనా ఆధార్ కార్డు ను ఈ సర్వీస్ ద్వారా డౌన్లోడ్ చేసుకోవచ్చు.
మీ ఆధార్కి సంబంధించి ఎప్పుడూ రిస్క్ తీసుకోకండి. మీరు ఎల్లప్పుడు ప్రభుత్వ అఫీషియల్ UIDAI లేదా MyGov వంటి ఛానల్స్ ద్వారా మాత్రమే ఆధార్ సర్వీస్ కోసం చూడండి.
ఇక్కడ మేము కూడా MyGov అఫీషియల్ వాట్సాప్ సర్వీస్ నెంబర్ను మాత్రమే అందించాము. ముఖ్యంగా మీరు అందుకునే OTP నెంబర్ ను ఎవరికి షేర్ చేయకండి.