ప్రముఖ స్మార్ట్ ఫోన్‌ దిగ్గజం మోటరోలా కొత్త స్మార్ట్ ఫోన్‌ను లాంచ్ చేస్తోంది. మోటో జీ34 పేరుతో 5జీ ఫోన్‌ను లాంచ్ చేస్తున్నారు.
ఇప్పటికే చైనా మార్కెట్లో ఈ స్మార్ట్ ఫోన్‌ అందుబాటులోకి రాగా, త్వరలోనే భారత మార్కెట్లోకి తీసుకురానున్నారు. జనవరి 9వ తేదీన ఈ ఫోన్‌ తీసుకురానున్నట్లు సమాచారం.
ప్రముఖ ఈ కామర్స్‌ సైట్స్‌తో పాటు కంపెనీ అధికారిక వెబ్‌సైట్‌, రిటైల్‌ స్టోర్స్‌లో అందుబాటులోకి రానున్నాయి. ఇక ఈ ఫోన్‌లో ఎలాంటి ఫీచర్లు ఉండనున్నాయంటే.
మోటో జీ34 5జీ స్మార్ట్ ఫోన్‌లో 6.5 ఇంచెస్‌తో కూడిన హెచ్‌డీ+ ఎల్‌సీడీ డిస్‌ప్లేను అందించానున్నారు. 120 హెచ్‌జెడ్‌ రిఫ్‌రెష్ రేట్ ఈ ఫోన్‌ సొంతం.
ఇక ఈ స్మార్ట్ ఫోన్‌లో ఆక్టా కోర్‌ స్నాప్‌డ్రాగన్‌ 696 ఎస్‌ఓసీ ప్రాసెసర్‌తో పని చేస్తుంది. అలాగే ఆండ్రాయిడ్‌ 13 ఆపరేటింగ్‌ సిస్టమ్‌తో ఈ ఫోన్‌ పనిచేస్తుంది.
కెమెరా విషయానికొస్తే ఈ స్మార్ట్ ఫోన్‌లో 50 మెగాపిక్సెల్స్‌తో కూడిన రెయిర్‌ కెమెరా, సెల్ఫీల కోసం 16 మెగాపిక్సెల్‌ ఫ్రంట్‌ కెమెరాను అందించనున్నారు.