'హైదరాబాద్ టూ తిరుమల' నయా టూర్ ప్యాకేజ్..
24 September 2024
TV9 Telugu
తిరుమల వేంకటేశ్వర స్వామిని దర్శించుకొనేందుకు తెలంగాణ టూరిజం వారు 'తిరుమల టూర్- తెలంగాణ టూరిజం' పేరుతో డైలీ టూర్ ఆపరేట్ చేస్తున్నారు.
హైదరాబాద్ నుంచి మొదలై రెండు రాత్రులు, ఒక పగలు ఉండే ఈ టూర్ ప్యాకేజీ బుక్ చేసుకున్న వారు ఉచితంగా శ్రీవారి శీఘ్రదర్శనం చేసుకోవచ్చు.
అంతేకాదు.. టూర్లో భాగంగా తిరుచానూర్ పద్మావతి అమ్మవారి దర్శనం కూడా ఉంటుందని తెలంగాణ టూరిజం పేర్కొంది.
తెలంగాణ టూరిజం బస్సులో సాగె ఈ టూర్ ప్యాకేజీలో పెద్దలకు రూ.3,800, పిల్లలకు రూ.3,040 ఛార్జ్ చేస్తున్నారు.
ఈ టూర్ ప్యాకేజీ కోసం హైదరాబాద్లో కేపీహెచ్బీ, సికింద్రాబాద్, బేగంపేట్, బషీర్ బాగ్ పికప్ పాయింట్స్ ఉన్నాయి.
హైదరాబాద్లో మొదటిరోజు సాయంత్రం 5 గంటలకు బస్సులో మొదలైన మరుసటి రోజు ఉదయం 7 గంటలకు తిరుపతి చేరుకుంటారు.
ముందుగా అక్కడ స్థానిక ఆలయాలను దర్శించుకొని తిరుమల కొండపైకి శ్రీవారి దర్శనం చేసుకున్న తర్వాత తిరుపతి చేరుకుని కాసేపు విశ్రాంతి తీసుకుంటారు.
సాయంత్రం 5 గంటలకు తిరుపతి నుంచి రిటర్న్ బయలుదేరి ఉదయం 7 గంటలకు హైదరాబాద్ చేరుకోవడంతో టూర్ ముగుస్తుంది.
ఈ టూర్ కోసం 7 రోజుల ముందు టికెట్లు బుక్ చేసుకోవాలి. టికెట్ క్యాన్సిల్ చేస్తే ఎలాంటి రిఫండ్ ఉండదని తెలంగాణ టూరిజం వెల్లడించింది.
ఇక్కడ క్లిక్ చెయ్యండి