ఆలయ నిర్మాణం మూడు అంతస్తులుగా ఉంటుంది. ప్రధాన ఆలయానికి చేరుకోవడానికి తూర్పు వైపు నుండి 32 మెట్లు ఎక్కాలి, దక్షిణం వైపు నుండి నిష్క్రమణ.
ఆలయ సముదాయం సాంప్రదాయ నాగరా శైలిలో 250 అడుగుల వెడల్పు, 161 అడుగుల ఎత్తు. ప్రతి అంతస్తు 20 అడుగుల ఎత్తులో ఉంటుంది. మొత్తం 392 స్తంభాలు, 44 ద్వారాలు ఉంటాయి.
సాధారణంగా ఉత్తరాన ఉన్న దేవాలయాలకు పెర్కోటా (గర్భ గుడి చుట్టూ బయటి భాగం) ఉండదు. కానీ రామాలయం 14 అడుగుల వెడల్పు, 732 మీటర్ల విస్తీర్ణంలో పెర్కోటా కలిగి ఉంటుంది.
'పెర్కోటా' నాలుగు మూలలు సూర్య దేవుడు, మా భగవతి, గణేశుడు, శివుని ఆలయలు; ఉత్తరం వైపు అన్నపూర్ణ మాత, దక్షిణం వైపున హనుమంతుని మందిరం ఉన్నాయి.
మహర్షులు (వాల్మీకి, వశిష్ఠ, విశ్వామిత్ర, అగస్త్య), నిషాద్ రాజ్, మాతా శబరి దేవి, అహల్య మందిరాలు ఉన్నాయి. కుబేర్ తిల వద్ద జటాయువు విగ్రహాన్ని ప్రతిష్టించారు.
కాంప్లెక్స్‌లో, ఆరోగ్య సంరక్షణ కేంద్రం, టాయిలెట్ బ్లాక్‌తో కూడిన యాత్రికుల సౌకర్యాల సముదాయం ఉంటుంది.
దర్శనానికి వెళ్లే ముందు 25,000 మంది తమ చెప్పులు, వాచీలు, మొబైల్ ఫోన్‌లను డిపాజిట్ చేసుకునే అవకాశం కల్పించారు.
వేసవిలో, సందర్శకులు ఫెసిలిటీ సెంటర్ నుండి ఆలయానికి చెప్పులు లేకుండా నడవాల్సిన అవసరం లేకుండా ప్రత్యేక ఏర్పాట్లు చేశారు.
ఆలయ సముదాయంలోని 70 ఎకరాల్లో దాదాపు 70% పచ్చని ప్రాంతాలుగా ఉంటుంది. వందేళ్లకు పైగా పురాతనమైన చెట్లు ఉన్నాయి. సూర్య కిరణాలు భూమి పైకి రాని దట్టమైన వనం ఉంటుంది.
కాంప్లెక్స్‌లో రెండు మురుగునీటి శుద్ధి ప్లాంట్లు, ఒక నీటి శుద్ధి ప్లాంట్ ఒక ప్రత్యేక విద్యుత్ లైన్ ఉంటాయి. ఇది భూగర్భ జలాశయం నుండి నీటిని పొందే అగ్నిమాపక దళ పోస్ట్‌ ను కలిగి ఉంటుంది.