క్యారెట్లు, చిలగడ దుంపల్లో మాదిరిగానే గుమ్మడికాయలోనూ బీటా కెరొటిన్‌ దండిగా ఉంటుందని నిపుణులు అంటున్నారు. ఇది యాంటీఆక్సిడెంట్‌గా పనిచేస్తుంది. ఇది ఒంట్లోకి చేరుకున్నాక విటమిన్‌ ఎ రూపంలోకి మారిపోతుంది
TV9 Telugu
అరకప్పు గుమ్మడి ముక్కలతోనే మనకు రోజుకు అవసరమైన విటమిన్‌ ఎ లభిస్తుంది. కళ్లు బాగా కనబడటానికి, పునరుత్పత్తి అవయవాలు సజావుగా పనిచేయటానికి విటమిన్‌ ఎ చాలా అవసరం
TV9 Telugu
గుండె, ఊపిరితిత్తులు, కిడ్నీల వంటి కీలక అవయవాల ఆరోగ్యానికీ ఇది దోహదం చేస్తుంది. కొన్నిరకాల క్యాన్సర్ల ముప్పు తగ్గటానికీ విటమిన్‌ ఎ తోడ్పడుతుందని అధ్యయనాలు చెబుతున్నాయి
TV9 Telugu
అయితే గుమ్మడి కాయ తింటే మంచిదని తెలుసు గానీ, అందులోని గింజలకూ ఆరోగ్య ప్రయోజనాలున్నాయనే విషయం చాలామందికి తెలియదు. కానీ, వీటిని రోజూ ఓ చెంచా తింటే గుండె ఆరోగ్యానిక ఢోకా ఉండదంటున్నారు
TV9 Telugu
గుమ్మడి గింజల్లో ఫైబర్‌ ఎక్కువ. జీర్ణసంబంధిత సమస్యలూ, అధికబరువు... వంటివాటితో బాధపడేవారు రోజూ ఓ చెంచా గింజల్ని తినండి. వీటిని కొద్దిగా తిన్నా పొట్ట నిండిన భావన కలుగుతుంది
TV9 Telugu
దీంతో అతిగా ఆహారం తినే అలవాటుని నియంత్రిస్తుంది. ఫలితంగా బరువూ తగ్గుతారు. అలానే జీర్ణ ప్రక్రియనూ మెరుగుపరుస్తుంది. ఈ గింజల్లోని కెరొటినాయిడ్లు, విటమిన్‌-ఇ, యాంటీఆక్సిడెంట్లు ఫ్రీ రాడికల్స్‌ నుంచి శరీరాన్ని రక్షిస్తాయి
TV9 Telugu
ముఖ్యంగా జీర్ణాశయం, రొమ్ము, ఊపిరితిత్తుల క్యాన్సర్‌ కణాలను అడ్డుకుంటాయి. యాంటీ డయాబెటిక్‌ లక్షణాలు గుమ్మడి గింజల్లో ఉంటాయి. ముఖ్యంగా వీటిల్లో ఉండే ట్రైగోనిలైన్, నికోటినిక్‌ యాసిడ్, డి-కైరో-ఐనాసిటాల్‌ అనే సమ్మేళనాలు రక్తంలో చక్కెర స్థాయులు క్రమబద్దీకరిస్తాయి