మేక మెదడులోని ఒమేగా-3 ఫ్యాటీ యాసిడ్స్ గుండె జబ్బుల ప్రమాదాన్ని తగ్గించడంలో కీలక పాత్ర పోషిస్తుందని నిపుణులు చెబుతున్నారు. గుండె జబ్బులు రావొద్దంటే మెదడు తీసుకోవాలి.
మెదడు ఆరోగ్యాన్ని కాపాడడంలో కూడా మేక మెదడు ఉపయోగపడుతుంది. ఇందులోని ఒమేగా-3 కొవ్వు ఆమ్లాలు జ్ఞాపకశక్తిని పెంచడంలో సహాయపడతాయి.
ఇందులో విటమిన్ బి12 పుష్కలంగా ఉంటుంది. ఇది నాడీ వ్యవస్థ ఆరోగ్యకరమైన పనితీరుకు దోహదపడుతుంది. ఎర్ర రక్త కణాల ఉత్పత్తిలో ముఖ్యమైన పాత్ర పోషిస్తుంది.
మేక మెదడులో ఐరన్‌ కూడా పుష్కలంగా ఉంటుంది. ఇది రోగనిరోధక వ్యవస్థ పనితీరును మెరుగుపరచడంలో కీలక పాత్ర పోషిస్తుందని నిపుణులు చెబుతున్నారు.
థైరాయిడ్ సమస్యతో బాధపడేవారికి కూడా మేక మెదడు బెస్ట్‌ ఆప్షన్‌గా చెప్పొచ్చు. ఇది థైరాయిడ్ పనితీరును మెరుగు పరచడంలో ఎంతగానో ఉపయోగపడుతుంది.
పురుషుల్లో లైంగిక ఆరోగ్యాన్ని కాపాడడంలో మేక మెదడు దోహదపడుతుంది. ఇందులోని జింక్‌ శుక్రకణాల ఉత్పత్తిలో సహాయపడుతుందని నిపుణులు చెబుతున్నారు.
పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.