తాటి ముంజల్లో నీటి శాతం ఎక్కువగా ఉంటుంది. అందుకే సమ్మర్‌లో వీటిని తీసుకోవాలని చెబుతారు. తాటి ముంజలు తింటే డీ హైడ్రేషన్‌ దరి చేరకుండా చూసుకోవచ్చు.
రక్తపోటును కంట్రోల్‌ చేయడంలో కూడా తాటి ముంజలు ఎంతగానో ఉపయోగపడతాయి. వీటిలోని పొటాషియం బీపీని కంట్రోల్‌లో ఉంచడంలో కీలక పాత్ర పోషిస్తాయి.
తాటి ముంజల్లో ఫైబర్‌ కంటెంట్ కూడా ఎక్కువగా ఉంటుందని నిపుణులు చెబుతున్నారు. వీటిని తీసుకోవడం వల్ల జీర్ణ సంబంధిత సమస్యలు దరిచేరకుండా ఉంటాయి.
తాటి ముంజల్లోనే మంచి గుణాలు క్యాన్సర్‌ వచ్చే ప్రమాదాలను తగ్గిస్తాయని నిపుణులు చెబుతున్నారు. ముఖ్యంగా ఇందులోని ఆంటీ యాక్సిడెంట్స్‌ క్యాన్సర్‌ కణాలను పెరగకుండా చూస్తాయి.
చర్మ ఆరోగ్యాన్ని కాపాడడంలో కూడా తాటి ముంజలు ఉపయోగపడతాయి. ముఖ్యంగా తాటి ముంజలను గుజ్జుగా చేసి ముఖానికి పైపూతలా వేసుకుంటే చర్మం ప్రకాశవంతంగా మారుతుంది.
తాటి ముంజల్లో విటమిన్‌ సి పుష్కలంగా ఉంటుందని నిపుణులు చెబుతున్నారు. దీంతో శరీరంలో రోగ నిరోధశక పెంచడంలో ముంజలు కీలక పాత్ర పోషిస్తాయని చెబుతున్నారు.
గర్భిణులకు తాటి ముంజలు ఎంతో మేలు చేస్తాయి. ఇందులోని మంచి గుణాలు తల్లితోపాటు, పుట్టబోయే బిడ్డ ఆరోగ్యాన్ని కూడా రక్షించడంలో ఉపయోగపడుతుంది.
పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.