జీర్ణ సంబంధిత సమస్యలను దూరం చేయడంలో మజ్జిగ కీలక పాత్ర పోషిస్తుందని నిపుణులు చెబుతున్నారు. ఇందులోని ఉండే లాక్టిక్ యాసిడ్ అజీర్ణం వంటి సమస్యలను దూరం చేస్తుంది.
డీహైడ్రేషన్‌ బారిన పడకుండా ఉండాలంటే ప్రతీరోజూ మజ్జిగను తీసుకోవాలి. శరీరాన్ని హైడ్రేట్‌గా ఉంచడంలో మజ్జిగ కీలక పాత్ర పోషిస్తుందని నిపుణులు చెబుతున్నారు.
ఇక మజ్జిగను క్రమం తప్పకుండా తీసుకోవడంలో వల్ల శరీర ఉష్ణోగ్రతను తగ్గించడంలో ఉపయోగపడుతుంది. ఇందులోని మంచి గుణాలు శరీరానికికి చల్లదనాన్ని అందిస్తుంది.
నిత్యం కండరాల నొప్పితో బాధపడేవారు మజ్జిగను ఆహారంలో భాగం చేసుకోవాలని నిపుణులు చెబుతున్నారు. మజిల్ బిల్డింగ్ చేయడంలో కూడా మజ్జి ఉపయోగపడుతుంది.
చర్మ ఆరోగ్యాన్ని కాపాడడంలో కూడా మజ్జిగ ఉపయోగపడుతుంది. ఇందులో ఉండే లాక్టిక్ యాసిడ్ చర్మాన్ని మృదువుగా చేసి, మొటిమలు, ముఖంపై ఉండే మచ్చలను తొలగించేందుకు కూడా ఎంతో సహాయపడుతుంది.
రోగ నిరోధక శక్తిని పెంచడంలో కూడా మజ్జిగ కీలక పాత్ర పోషిస్తుంది. ముఖ్యంగా ఇందులోని ప్రోబయోటిక్స్ రోగ నిరోధక శక్తిని బలోపేతం చేస్తుంది. దీంతో జలుబు, దగ్గు వంటి సమస్యల నుంచి విముక్తి లభిస్తుంది.
మజ్జిగను క్రమంతప్పకుండా తీసుకోవడం వల్ల శరీరంలోని కొలెస్ట్రాల్ తగ్గుతుంది. మ‌జ్జిగ‌లో ఉండే బ‌యోయాక్టివ్ సమ్మేళ‌నాలు కొలెస్ట్రాల్ స్థాయిల‌ను నియంత్రిస్తాయి.
పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.