మనలో చాలా మందికి రెగ్యులర్ గా ఆకుకూరలు తినే అలవాటు ఉండే ఉంటుంది. ఆకు కూరల్లో మనకు పాలకూర, బచ్చలకూర, తోటకూర లాంటివి అందరికీ తెలిసినవే. అయితే ఎర్రతోట గురించి మీకు తెలుసా?
ఎర్రతోటకూరలో విటమిన్లు, ఖనిజాలు, ఫైబర్ పుష్కలంగా ఉంటాయి. ఈ ఆకుకూరలో అంథోసైనిస్ అనే సమ్మేళనం ఉంటుందట. ఇది శరీరాన్ని ఆక్సీకరణ ఒత్తిడి నుంచి రక్షిస్తుంది. దీర్ఘకాల వ్యాధుల ప్రమాదాన్ని తగ్గిస్తుంది.
ఎర్ర తోటకూరలో అధిక పొటాషియం ఉంటుంది. ఇది రక్తపోటును నియంత్రించడంలో సహాయపడుతుంది. ఇందులో నైట్రేట్ కంటెంట్ ఆరోగ్యకరమైన రక్త ప్రవాహాన్ని ప్రోత్సహిస్తుంది. గుండె ఆరోగ్యానికి మద్దతు ఇస్తుంది.
తోటకూరలో తక్కువ గ్లైసెమిక్ ఇండెక్స్ (జిఐ) కారణంగా రక్తంలో గ్లూకోజ్ స్థాయిలను స్థిరీకరించడంలో సహాయపడుతుందని అధ్యయనాలు చెబుతున్నాయి. కాబట్టి మధుమేహ వ్యాధిగ్రస్తులకు ఇది మంచిది.
ఈ ఆకుకూరలో అంథోసైనిస్ అనే సమ్మేళనం ఉంటుందట. ఇది శరీరాన్ని ఆక్సీకరణ ఒత్తిడి నుంచి రక్షిస్తుందట. చాలా రకాల దీర్ఘకాల వ్యాధుల ప్రమాదాన్ని కూడా తగ్గిస్తుంది.
ఎర్ర తోటకూరలో A, C, K వంటి విటమిన్లు, ఐరన్, కాల్షియం వంటి ఖనిజాలు ఉంటాయి. ఒక కప్పు తోటకూరలో 250 mg కాల్షియం ఉంటుంది. దీన్ని తినడం వల్ల ఎముకలు, దంతాల ఆరోగ్యం మెరుగుపడుతుంది.
తోటకూరలోని పొటాషియం శరీరంలో సోడియం ప్రభావాలను తగ్గించడంలో సహాయపడుతుంది. అధిక రక్తపోటును తగ్గిస్తుంది. తోటకూరలో ఐరన్ కూడా పుష్కలంగా ఉంటుంది. రక్తహీనత ఉన్నవారికి మేలు చేస్తుంది.
ఎర్ర తోట కూరలోని విటమిన్ ఎ , సి ఇతర యాంటీఆక్సిడెంట్లు రోగనిరోధక శక్తిని బలోపేతం చేస్తాయి. ఇది శరీరాన్ని అంటువ్యాధులు, వ్యాధుల నుండి నివారిస్తుంది.