భోజనం చేసిన తరువాత కొద్దిగా సోంపు తినడం అనేది చాలా మందికి అలవాటు. నిజానికి ఆరోగ్యపరంగా ఇది చాలా మంచిది. సోంపు జీర్ణక్రియకు అద్భుతంగా పనిచేస్తుంది.
సోంపులో ఉండే ఫైటో ఈస్ట్రోజన్ కారణంగా మహిళల్లో హార్మోన్ బ్యాలెన్స్‌కు దోహదం చేస్తుంది. సోంపు తినడం వల్ల పీరియడ్స్ సమయంలో ఉండే క్రాంప్స్ నుంచి రిలీఫ్ పొందవచ్చు.
రెస్పిరేటరీ వ్యవస్థకు లాభం సోంపులో యాంటీ ఇన్‌ఫ్లమేటరీ, రోగ నిరోదక గుణాలుంటాయి. ఆస్తమా, బ్రోంకైటిస్ , దగ్గు వంటి సమస్యలను దూరం చేస్తుంది. కఫం సమస్యను దూరం చేస్తుంది.
ఆకలి నియంత్రణ సోంపులో ఉండే ఫైబర్ కారణంగా ఎక్కువసేపు ఆకలి ఉండదు. దాంతో ఓవర్ ఈటింగ్ సమస్య నుంచి కాపాడుకోవచ్చు. ఫలితంగా బరువు నియంత్రణలో ఉంటుంది.
సోంపులో విటమిన్ సి, క్వెర్‌సెట్టిన్ అనే యాంటీ ఆక్సిడెంట్ ఉంటుంది. ఇది శరీరంలోని ఫ్రీ రాడికల్స్‌ను అంతం చేస్తుంది. ఆక్సిడేటివ్ ఒత్తిడిని తగ్గిస్తుంది. చర్మాన్ని ఆరోగ్యంగా ఉంచుతుంది.
మెటబోలిజం వృద్ధి సోంపులో ఉండే కొన్ని రకాల కాంపౌండ్స్ కారణంగా మెటబోలిజం వృద్ధి చెందుతుంది. బరువు నియంత్రణలో ఉంటుంది. రోజూ తినడం ఆరోగ్యానికి చాలా మంచిది.
బ్లడ్ ప్రెషర్ నియంత్రణలో సోంపులో పొటాషియం సమృద్ధిగా ఉంటుంది. శరీరంలో సోడియం అదనంగా ఉండటం వల్ల కలిగే దుష్పరిణామాల్ని తగ్గిస్తుంది. గుండె ఆరోగ్యానికి కూడా మంచిది.
సోంపులో సహజసిద్ధమైన స్వీట్‌నెస్ ఉంటుంది. ఇది నోటిని రిఫ్రెష్ చేస్తుంది. నోటి నుంచి వచ్చే దుర్వాసనను అరికడుతుంది. సోంపు తినడం వల్ల నోటి దుర్వాసన సమస్య పోతుంది.