వర్షంలో తడుస్తున్నారా.. ఈ వ్యాధులు వచ్చే అవకాశం..

01 September 2023

వర్షాకాలం అంటేనే వ్యాధులు ముసిరే కాలం. వాతావరణం చల్లబడటం, వానలు కురవడం, రోడ్లపై నీరు నిలిచిపోవడం వంటివి సాధారణమే.

రోడ్లపై నిలిచిపోయిన వాన నీటి నుంచే నడిచి వెళ్లాల్సిన పరిస్థితి వస్తుంది. అయితే అలా నిలిచిపోయిన వాన నీటిలో నడవడం ప్రమాదకరం.

వివిధ ప్రాంతాల నుంచి ప్రవహించే వర్షపు నీరు ఓ ప్రదేశంలో నిలిచిపోతాయి. ఇవి అనేక కాలుష్య రసాయనాలను కలిగి ఉంటుంది.

అంతే కాకుండా వర్షాకాలంలో మలేరియా, డయేరియా, కలరా, చికున్​గున్యా, హెపటైటిస్, డెంగ్యూ వంటి వ్యాధులు వచ్చే అవకాశం ఉంది.

సాధారణంగా వర్షాకాలంలో నీరు కలుషితమవుతుంది. ఆ నీటిని తాగడం వల్ల హానికారక సూక్ష్మజీవులు శరీరంలోకి ప్రవేశించి, అనారోగ్యం కలిగించే అవకాశం ఉంది.

విరేచనాలు, వాంతులు అవుతాయి. డీహైడ్రేషన్​ జరుగుతుంది. తీవ్రత మరీ ఎక్కువైతే కిడ్నీలు దెబ్బతినే అవకాశముంది.

అందుకే నీటిని కాచి, చల్లార్చి తాగడం ముఖ్యమనే విషయాన్ని అస్సలు మరిచిపోవద్దు. వర్షంలో తడిసి ఇంటికి రాగానే కాళ్లు కడుక్కుని, పొడి వస్త్రంతో తుడుచుకోవాలి.

తాజాగా, వేడిగా ఉండే ఆహార పదార్థాలు మాత్రమే తీసుకోవాలి. వ్యాధులు విజృంభించకుండా ముందస్తుగా వ్యాక్సిన్లు వేయించుకోవాలి.