డ్రాగన్ ఫ్రూట్ శరీర బరువును అదుపులో ఉంచుతుంది. ఇందులో తక్కువ కేలరీలు, అలాగే బరువును నియంత్రించే ఫైబర్ ఎక్కువగా ఉంటుంది.
ఇది తింటే చాలా సేపు పొట్ట నిండుగా ఉంటుంది. ఈ పండు బరువు తగ్గడానికి చాలా ప్రభావవంతంగా పనిచేస్తుంది. జీవక్రియను, శక్తిని పెంచుతుంది.
డ్రాగన్ ఫ్రూట్లో బీటా-సానిన్, ఫ్లేవనాయిడ్స్, ఫినోలిక్ యాసిడ్, ఆస్కార్బిక్ యాసిడ్, ఫైబర్ పుష్కలంగా ఉన్నాయి. ఇది డయాబెటిక్ రోగులలో పోషకాల లోపాన్ని తీరుస్తుంది.
ఈ పండు గ్లైసెమిక్ సూచిక తక్కువగా ఉన్నందున రక్తంలో చక్కెరను సాధారణీకరిస్తుంది. విటమిన్ సి పుష్కలంగా ఉన్న కారణంగా డయాబెటిక్స్ రోగనిరోధక శక్తిని పెంచుతుంది.
తరుచు డ్రాగన్ ఫ్రూట్ తీసుకొంటే గుండె జబ్బులకు ప్రధాన కారణమైన ఎల్డిఎల్ కొలెస్ట్రాల్ నియంత్రణలో ఉంటుంది.
ఈ పండు చెడు కొలెస్ట్రాల్ను నియంత్రించి గుండెను ఆరోగ్యంగా ఉంచుతుంది. దీన్ని రోజూ తీసుకోవడం వల్ల గుండెపోటు రాకుండా ఉంటుంది.
డ్రాగన్ ఫ్రూట్లో కాల్షియం, ఫాస్పరస్, మెగ్నీషియం పుష్కలంగా ఉంటాయి. ఇది ఎముకలను బలపరుస్తుంది. రోజూ తింటే కీళ్ల నొప్పులు తగ్గుతాయి.
అధిక రక్తపోటు ఉన్నవారు ప్రతిరోజూ ఈ పండును తినాలి. ఫైబర్ అధికంగా ఉండే ఈ పండు రక్త ప్రసరణను సాధారణీకరిస్తుంది.. బీపీని నియంత్రిస్తుంది.